Timor-Leste no Mundu iha 2015

Ita besik hakotu ona tinan 2015. Tanba ne'e, hanesan importante tebes ita hanoin fali akontesimentu markante sira, iha área oioin, ne'ebé akontese tiha ona iha Timor-Leste no mundu tomak.

Janeiru:

- Atake ida ne'ebé halo hosi mane na'in rua ho arma akontese iha eskritóriu jornál satíriku fransés Charlie Hebdo, iha Paris, halo ema na'in 10 mate;

- Papa Francisco vizita Sri Langka ho Filipina.

Fevereiru:

- Xanana Gusmão haruka nia karta demisaun ba Prezidente Taur Matan Ruak;

- Rui Maria de Araújo sai Primeiru-Ministru Timor-Leste nian;

- Tomada pose ba governu foun timoroan nian;

- Opozitór rusu Boris Nemtsov ema oho iha Moskovo, Rúsia.

Marsu:

- Estadus Unidus ho Kuba hahú fali ligasaun telefóniku nian;

- Aviaun ida hosi kompañia Germanwings, Airbus A320, monu iha foho Alpes fransés nian, iha rejiaun Digne. Laiha pasajeiru ida maka moris.

Abril:

- Mate ona bispu Díli nian, D. Alberto Ricardo da Silva;

- Prezidente Taur Matan Ruak partisipa iha Konferénsia Ázia-Áfrika, hala'o iha Indonézia;

- Barack Obama ho Raul Castro mantén diálogu istóriku iha Panamá;

- Rai-nakdoko ho 7,9 eskala Richter akontese iha Nepal. Ema millaun resin mate.

Maiu:

- Aniversáriu ba dala 13 hosi restaurasaun independénsia Timor-Leste nian;

- Chelsea, ne'ebé treina hosi José Mourinho, konkista títulu inglés futeból nian hafoin tinan barak la konkista título ne'e;

- Komisaun Europeia husu atu Estadu-membru sira hosi Uniaun Europeia simu refujiadu rihun 40.

Juñu:

- Mate ona Fernando La Sama de Aráujo;

- Demisaun hosi Joseph Blatter nu'udar prezidente FIFA nian tanba eskándalu korupsaun nian;

- Eis-prezidente Portugal nian Jorge Sampaio ho Helena Ddume, hosi Namíbia, simu Prémiu Nelson Mandela, hosi ONU.

Jullu:

- Hala'o Fórum hosi CPLP nian iha Díli;

- Papa Francisco vizita Amérika Latina (Bolívia, Ekuadór ho Paraguai);

- Pekin, kapitál Xina nian, sei hala'o Jogu Olímpiku sira invernu nian iha tinan 2022.

Agostu:

- Hala'o Misa ne'ebé marka tinan 500 ba evanjelizasaun iha Timor-Leste. Serimónia selebra hosi Sekretáriu Estadu hosi Vatikanu, Pietro Parolin, hosi bispu timoroan sira Basílio do Nascimento ho Norberto de Amaral no hosi preladu sira seluk ne'ebé maka akompaña papa Francisco nia saserdote;

- Falintil halo tinan 40;

- Mauk Moruk, líder hosi Conselho da Revolução Maubere (CRM), mate iha konfrontu sira ho forsa sira seguransa timoroan nian;

- Barcelona konkista Supertasa Europeiu futeból nian. Katalaun sira mana'an Sevilha ho 5-4.

Setembru:

- Hala'o Tour de Timor bisikleta nian;

- SAPO Timor-Leste selebra tinan lima ba nia ezisténsia;

- Papa Francisco hala'o vizita ba Kuba ho Estadus Unidus;

- NASA fó sai katak deskobre ona bee iha planeta Marte.

Outubru:

- Primeiru-Ministru timoroan, Rui Maria de Araújo, vizita Kuba;

- Timor Telecom selebra tinan 13;

- Nova Zelándia konkista Kampeonatu Mundu ráguebi nian, halakon Austrália iha finál ho 34-17. Sai nune'e hanesan nasaun ida ne'ebé konkista dala tolu títulu ne'e.

Novembru:

- Selebrasaun ba tinan 500 bainhira ema portugés sira to'o iha Timor-Leste;

- Atentadu oioin akontese iha fatin oioin iha Paris, Fransa, halo ema na'in 130 no ema atus resin hetan kanek;

- Aung San Suu Kyi nia partidu, LND, hetan maioria iha parlamentu birmanés.

Dezembru:

- Akordu istóriku ida kona-bá klima. Nasaun 195 ne'ebé halibur iha Simeira Klima nian, iha Fransa, hatán hodi halo esforsu hodi limita akesimentu globál ba grau 1,5;

- José Mourinho husik Chelsea.

SAPO Timor-Leste