Atrazu Halo Ligasaun Oksigene Marlita Kristela Lay Lakon Nia Vida

Dili, Radio Liberdade Online - Liu husi sesaun plenaria, Segunda, 8/2/2016, Deputadu Eladio Faculto,  informa katak Hospital Nasional Guidu valadares atrazu halo ligasaun oksigene ba pasiente ho naran Marlita Kristela Lay nune’e rejulta Marlita lakon  nia vida

.

“Ita nia dirasaun sira iha ne’eba halo servisu oinsa no mediku sira oinsa fo asistensia ba ita nia pasiente sira, ita hatene ICU  ne’e 24 oras mediku sira ne’e tenke prontu iha neba,” kritika Deputadu Eladiu iha Plenaria.

Fonseka Miranda nudar kaben husi Marlita Kristela Lay afirma kronologia nia fen kaben hakotu vida ba Jornalista Radio Liberdade.

“Monta oksigene maizemenus tuku 9 ho balu, to tuku 11 ho balu maka oksigene ida ne’ebe mak monta ne’e hotu, familia konsege fo atene ba infremeiru sira nebe mak responsabliza iha ICU, ba fo hatene pesoal responsabliza oksigene konsege mai troka,  to’o ia tuku 3 madrugada oksigene ne’ebe mak troka hotutan, familia mos fo hatene  nafatin, infremeiru sira iha ne’eba kontaktu fila fali ba pesoal responsavel mais iha momentu ne’eba la iha ona resposta e pesoal ne’e rasik la hatan ona telfone, halo ami prekupa e halo ami hotu sai ba liur buka nia mais nia la iha fatin,bele dehan oras ida ho balun  nia laran nia la iha fatin halo ami hotu prekupa e nia la mai liga oksigene ne’e ba hau nia sra ne’e rasik, ne’e prejudika tebtebes ba iha kondisaun hau nia ferik oan ninian e husi ida ne’e mak fo  inpaktu halo  hau nia ferik oan mate  iha tuku 4 liu lima nulu,” isplika Fonseka.

Fonseka Miranda husu ba Ministeriu Sude atu hadia atendementu no sistema  iha Hospital  Nasional Guido Valadares.

Nudar Laen husi Marlita Kristela Lay, Fonseca, sei kontinua lori kazu ne’e ba oin.

“Familia nafatin ijije ba parte konpotente para atu hare maizemenus kondisaun sira hanesan ne’e  oinsa.”

Rádio Liberdade Dili