PN Adia Vota Apoiu Viazen Taur ba Japaun-Singapura

DILI - Reprezentante Povu iha uma fukun Parlamentu Nasional (PN) adia debate apoiu vizita servisu Prezidente Republika (PR) Taur Matan Ruak ba iha Japaun no viazen privadu ba Singapura, tamba ajenda la liu husi Lider bankada Parlamentar.

Bazea ba karta husi Prezidensial Republika ba Parlamentu Nasional (PN) husu apoiu Parlamentu nian relasiona ho Vizita Servisu Prezidente Republika Taur Matan Ruak iha loron 12 Marsu 2016 Ba Japaun, maibe Parlamnentu adia ba loron seluk tenki liu husi Lider Bankada.

Adiamentu ba diskusaun nee liu husi Sesaun Plenaria Segunda (15/02/2016) maske Prezidente PN Vicente Guterres konsege ajenda atu halo debate no vota apoiu viazen Prezidente Republika Taur, maibe kansela ba loron seluk.

Liu husi Sesaun Plenaria Deputadu Bankada Fretilin Osorio Florindo hatete Prezidente Republika halo desizaun ixoneira Maijor Generel Lere Anan Timur hakarak, atu sai tan maske vizita ba rai liur importante, maibe estabilidade iha rai laran mos importante.

Hau husu ba Prezidente Republika no ita hotu hanesan nasaun rai ida nia oan tur hamutuk rezolve ita nia problema, duke ba vizita rai liur maibe ita nia problema husik hela la rezolve, ita nia hakarak povu halai nafatin,” dehan Osorio.

Nunee mos Deputadu Bankada CNRT Arao Noe hatete komentariu balun neebe mak iha dook demais, tamba nee sujere ba meja hodi foti opsaun hodi reazenda ba loron seluk hodi halo enkotru ho lider Bankada mak ajenda. Informasaun kompletu iha STL jornal no STL Web, edisaun Tersa (16/2/2016). Timotio Gusmao

Suara Timor Lorosae