Longuinhos Monteiro: “Ami Sei Apoiu Siguransa Ba Demostrasaun”

DILI – Ministru Interior Longuinhos Monteiro deklara sei fo apoiu siguransa masimu ba demostrasaun neebe mak halao husi Movimentu Kontra Okupasaun Tasi Timor (MKOTT) durante loron rua nia laran iha embaisada Australia nia oin.

Deklarasaun nee, Longuinhos Monteiro, fo sai ba jornalista sira iha Palacio do Governu Sigunda (21/03/2016) wainhira remata inkontru ho reprejentatnte MKOTT, Ministru Defeza, Maijor Jeneral Lere Anan Timur, nomos Komisariu PNTL, Julio Hornai.

Governu hola inisiativa halo kordenasaun kestaun siguransa ho organijasaun CPN nomos MKOTT konaba demostarsaun massa neebe maks ei halao durante loron 2 iha area Embaisada Australia nia oin no kordenasaun nee atu konsolidada mekanismu siguransa iha terenu entre parte rua no iha diskusaun nee governu foti desijaun hodi fo tempu no aseita ba demostarasaun nee no espera katak demostrasaun nee sei lao ho diak no reprejentab duni povu ninia intrese,” dehan Longuinhos.

Nia hatutan demostrasaun neebe sei halo husi Movimentu Kontra Okupasaun Tasi Timor nee sei bot liu fali ida uluk tanba nee fo hatene ba publiku katak iha dalan balu mak sei taka ba publiku hanesan area Fatuhada tanba nee transporte publiku sei bele liu deit husi dalan diresaun Pantai Kelapa nomos Delta.

Iha fatin hanesan Portavos Movimentu Kontra Okupasaun Tasi Timor, Maleve Guerza, mos hatete katak hotu-hotu iha hanoin ida deit tanba nee hotu-hotu sei hamutuk ho MKOTT hodi halo manifestasaun hasoru Australia tanba nee persija iha koperasaun ida neebe diak ho parte siguransa. Informasaun kompletu iha STL Jornal no STL Web, edisaun Tersa (22/3/2016). Thomas Sanches

Suara Timor Lorosae