Governador Jeral Australia Triste La Hetan Xanana

DILI - Governador Jeral Australia Peter Cosgrove triste durante vizita iha Timor Leste, tamba lahetan eis Girileiru Komandante Enxefi Xanana Gusmao, durante partisipa iha konferensia nasional Veteranus no kombatentes libertasaun nasional.

Tuir Peter katak wainhira rona Timor Leste halao Konferensia Veteranus ba dala uluk iha Timor Leste, komesa hanoin buat neebe mak akontese iha Timor Leste tamba hatene independensia Timor Leste ba Veteranus sira nia kabas.

Hau triste oituan tamba hau la toman ita nia maun boot Xanana Gusmao iha nee,” dehan Peter liu husi Mensazen, Kinta (03/03/2016) wainhira partisipa iha konferensia nasional veteranus no kombatentes libertasaun nasional iha sentru konvensaun Dili.

 Peter hatete kuandu rona hino Nasional Timor Leste hodi hare Veterenus sira hananu, akompaina hinu veteranus nian konsege lembra fila fali korazen neebe veteranus sira halo iha tempu luta libertasaun nasional.

Iha fatin hanesan Prezidente Republika (PR) Timor Leste Taur Matan Ruak hatete nia parte senti laran haksolok tamba ba dala uluk konferensia nasional veteranus iha Timor Leste, Enseremantu ba Konfrensia nasional tuir lolos maun boot Xanana Gusmao nudar veteranus boot liu mak taka.

Taur hatoo nia saudasoens ba veteranus Australia sira nian neebe maka reprezenta konfrensia nasional, reprezentante asosiasaun soldadu veteranus Australia nudar Timor Leste nia belun kleur ona no ativista neebe sempre fo apoiu ba luta Timor Leste. Informasaun kompletu iha STL Jornal no STL Web, edisaun Sabado (5/3/2016). Timotio Gusmao

Suara Timor Lorosae