Fundu Mina Rai Iha Ameasa Nia Laran

DILI – Produsaun fundu mina rai oras nee iha ameasa nia laran, tanba loron ba loron produsaun mina iha tasi Tasi Timor laos aumenta maibe menus ba bebeik.

Informasaun nee fo sai husi Diretor Ezekutivu NGO Luta Hamutuk, Mericio Akara, Liu husi konferensia neebe mak halao iha edifisiu Luta Hamutuk, Farol, Sesta (04/03/2016).

Timor nia problema lolos nee mak rendimentu neebe mak menus ba bebeik husi produsaun neebe mai husi bayu undan tanba kitan rasik la produs ona agora bayu undan mos ninia produsaun tun makas tebes menus husi ruhun 40 baril no iha informasaun neeeb ma kami hetan menus tan husi rihun 20 nee signifika katak produsaun sei la kontinua no iha ameasa nia laran tanba iha posibilidade kompania bele hapara ninia produsaun,” dehan Akara.

Nia hatutan tuir LH nia peskija produsaun mina husi Bayu Undang sei para iha tinan 2022 no ida nee iha ninia impaktu neebe mak makas tebes, tanba produsaun mina mos menus no folin mina iha merkadu internasional most un.

Laos nee deit nia hatutan wainhira produsaun rendimentu TL kontinua tun, nee sai perguntas neebe mak boot tebes tanba oinsa atu hetan osan hodi sustenta dezenvolvimentu rai laran no seluk, tanba nee tuir nia wainhira folin mina global kontinua mantein iha $ 30 ba barill ida maka tinan nee governu TL sei hetan deit osan Milliaun 500 tanba oras nee daduan TL kontinua hasai osan bot liu fali rendimentu neebe mak kiik tebes.

Hatan ba deklarasaun nee Vise Ministru Finansas, Helder Lopes, hatete iha agrumentu mak la hanesan, tanba dezenvolvimentu sei la lao kuandu governu la gasta osan. Informasaun kompletu iha STL Jornal no STL Web, edisaun Sabado (5/3/2016). Thomas Sanches/Timotiu Gusmao

Suara Timor Lorosae