Taur: “ Funu ita Hamutuk, Seraque Funu Hotu Tenki Fahe Malu”

DILI - Prezidente Republika Taur Matan Ruak hatete uluk tempu funu Timor oan hotu hamutuk hodi halo funu atu buka ukun rasik Aan, serake funu hotu Timor oan liu-liu veteranu sira tenki fahe malu nee sai pergunta boot ba Timor oan sira.

Taur hatete durante konferensia nee veteranus sira foti topi lubuk ida, neebe relevante ba veteranu hotu nunee hein debate nee nia rejultadu sei fo impaktu pozitivu ba kondisaun veteranus sira.

Hau halo rezumu ida kona ba veteranus sira, se mak ba funu la bele soe malu, serake funu hotu ita soe fali malu, hau nia pergunta ita hetan tiha ona pas ita hotu ita tenki fahe malu fali,” dehan Taur liu husi Deskursu hodi taka konferensia Nasional Veteranus no libertasaun Nasional, Kinta (03/03/2016) iha Sentru Konvensaun Dili.

Nia hatete Veteranu sira nia intervensun no opiniaun bele kontribui, veteranus sira iha responsabilidade ba nasaun Timor Leste, neebe veteranu hotu-hotu terus no povu mos terus tamba lia los nasaun ida nee sei presiza veteranus sira.

Iha fatin hanesan Guerileiru Lere Anan Timor hatete veteranus sira neebe mak iha Konferensia Nasional Veteranus, durante diskusaun loron tolu nia laran koinese malu ema sira neebe mak hamutuk iha luta libertasaun nasional. Informasaun kompletu iha STL Jornal no STL Web, edisaun Sabado (5/3/2016). Timotio Gusmao

Suara Timor Lorosae