IIP Esforsu Implementa Lian Portugues Iha Indonesia

DILI - Institutu Internasional Lian portugues (IIP) esforsu hodi implementa lian Portugues iha Universidade Indonesia, atu nunee labele defikulta estudante Timor oan kuandu fila mai Timor Leste hodi buka kampu servisu.

Reprezentante povu iha Parlamentu Nasional husi Komisaun F Asuntu Saude, Edukasaun, Kultura, Veteranus no Igualdade Zeneru halo audensia ho Institusaun Internasional Lian Portugues hodi hare ba implementasaun lian portugues iha Timor Leste.

Remata Audensia Publika, membru Komisaun F Deputada Bankada CNRT Bendita Moniz hatete audensia publiku nee koalia liu ba implementasaun lian porugues iha Timor Leste.

Ita nia komisariu aprezenta durante audensia publika sira buka meus atu implementa lian portugues iha Indonesia liu-liu estudante Timor oan sira neebe estuda iha Indonesia,” dehan Bendita ba Jornalista Sesta (21/04/2016) iha Parlamentu Nasional.

Nia hatete Parlamentu Nasional mos konsege halo ona fiskalizisaun ba Indonesia hodi hare universidade balun rekruta ona timor oan hanorin lian Porgues iha sira nia universidade.

Iha fatin hanesan Deputadu Bankada Fretilin Eladio Faculto hatete Timor leste hola parte iha nivel CPLP nian tan nee  komisaun F halo audensia ho institutu internasional lian Portugues hodi hare liu ba vantazen promosaun lian portgues iha Asean. Informasaun kompletu iha STL Jornal no STL Web, edisaun Sabado (23/4/2016). Timotio Gusmao

Suara Timor Lorosae