Kestaun Korupsaun, Arao: TL Lao Iha Parte Neebe Los

DILI - Vise Prezidente Komisaun A Parlamentu Nasional, neebe trata asuntu Konstituisaun, Justisa, Administrasaun, Poder Lokal e Anti Korupsaun, deputadu Arao Noe afirma, kestaun korupsaun neebe maka akontese iha rai laran, lao iha pasu neebe los hela, tanba prevene ona liu husi dalan oinsa atu labele akontese korupsaun neebe maka aas iha Timor Leste.

Nia dehan, Ema hotu-hotu preokupa ho korupsaun, tanba nee maka tinan hirak liu ba Parlamentu Nasional hari Komisaun Anti Korupsaun, para hodi halo pemberantasan korupsi, nomos halo edukasaun sivika para ema hodi komprende saida maka korupsaun.

Ita konaba korupsaun nian nee Timor Leste lao iha pasu los hela, tanba ita prevene hotu ona dalan para oinsa labele akontese korupsaun neebe maka aas iha rai laran ,” dehan deputadu Arao, ba STL, iha PN, Dili, Sesta (24/06/2016).

Deputadu Arao dehan, ho hari Komisaun Anti Korupsaun bele prevene, agora sira neebe akontese tiha ona nee maka investiga I prosesa ba prosesu kriminal.

Iha fatin hanesan membru PN husi bankada FRETILIN Paulo Moniz Maia hatete Korupsaun nee ema hotu preokupa, tamba korupsaun nee hahalok neebe maka ladiak iha nasaun laran, liu-liu ba ukun nain sira, nee duni atu lori ema sira nee ba hatan iha Tribunal tenke iha lei ida para atu asegura KAK nia servisu. Informasaun kompletu iha STL Jornal no STL Web, edisaun Sabado (25/6/2016). Carme Ximenes

Suara Timor Lorosae