DILI
- Kompana Nasional iha Timor laran tomak la bele sai inimigu ba malu, maibe
tenki kria unidade, estabelidade no paz, tanba save dezenvolvimentu iha sira
nia liman.
Lia
hirak nee hatoo husi Porta Voz Klibur Estudantes Fatuberliu (KEFA) Guilhermino
Fernandes, liu husi konfrensia imprensia, neebe halao iha Kampus UNTL Lama,
Caicoli, Dili, Sesta (24/06/2016).
Ami
durante nee observa kompana nasional sira sempre odiu malu, baku malu no
insulta malu tamba haksesuk malu prozeitu, hanesan akontese foin dadauk
Direitor Tinulina Agustinho Gomes sai vitima, tanba hetan pankada ka baku husi
Cesar Vital Morreira nune mos hasai liafuan traidaor, milisia, mauhu no
oportunista ba Agustinho Gomes, nee la zustu, tuir lolos rezolve problema ruma
ho ulun malirin laos ho brutalisme,” hateten Guilhermino.
Estudantes
KEFA sira nee mos haklean tan katak sira kontinua husu ba kompana sira hotu,
atu rezolve problema ruma karik tenki utiliza etika linguazen neebe diak,
koalia ho ulun malirin, tanba povu ho governu ida nee hanoin katak
dezenvolvimentu iha nasaun ida nee, atu lao lalais no susesu iha kompana Timor
oan nia liman.
Neduni
sira husi KEFA kontinua husu ba antigu jersaun atu hatudu no rai hela hahalok
diak no karakter lideransa neebe diak ba jersaun foun sira hodi lao no banate
tuir ain fatin, tanba jersaun foun sira la kohi sai hanesan ema neebe
brutalismu, premanismu no koalia la iha etika ho linguazen neebe la diak ba ema
seluk.
Iha
fatin hanesan Membru Dewan Solidaritas Mahasiswa Same Manufahi tinan 1999,
Duarte Fernandes, kondena makaas atetude premanismu neebe Cesar
Morreira halo atu sobu fali prosesu rekonsiliasaun neebe estadu no igreja halo
ba Timor oan sira nomos atu kria instabilidade no kuda fali odio vingansa
Timor oan sira iha rai laran. Informasaun kompletu iha STL Jornal no STL Web,
edisaun Sabado (25/6/2016). Joao Anibal
Suara
Timor Lorosae
Sem comentários:
Enviar um comentário