XANANA SAI PREZIDENTE HONORARIU OJETIL

Organizasaun Juventude Estudante de Timor Leste (OJETIL) hili Kayrala Xanana Gusmão sai Prezidente honorariu OJETIL nian. iha uportunidade nee Prezidente honorariu OJETIL, Xanana Gusmão agadese ba OJETIL tamba bele hili nia sai Prezidente honorariu organizasaun juvenil ida nee.

“Ha’u fo apoiu ne’e no mai hamutuk ho ita bo’ot sira hotu tanba ida ne’e atu halo sede OJETIL ida ne’ebe mak labele hatutan nafatin liafuan sira uluk a luta kontinua no a luta kontinua ida ne’e ha’u sei la mai partisipa iha ne’e. ha’u mai tanba imi atu tau iha ne’e formatu foun ida ba hanoin joven Timor Oan nian iha pais ida ne’e” dehan Xanana Gusmão iha serimonia lansamentu primiera pedra harii sede OJETIL nian iha Bidau Lecidere, Tersa (21/6).

Prezidenti Honorario Organizasaun Juventudi Estudante de Timor Leste (OJETIL) Kay Rala Xanana Gusmão hateten, hari sede OJETIL ida ne’e  atu bele kadi nafatin joven sira nia kakutak.

“Atu dehan  deit  katak, ha’u kongratula ideia bo’ot teb-tebes hodi kadi nafatin joven sira nia kakutak atu haree ba futuru nasaun ne’e nian,”esplika Xanana Gusmão. Lider resistensia Timor Leste nian nee sublina, hari sede OJETIL ida ne’e sai hanesan fatin formatu foun ida ba juventudi Timoroan ninian iha país ida ne’e.

Eis komadante em xefi Falintil dehan, ida ne’e hanesan parte final husi Mari Alkatiri no mos subtansia husi Prezidenti Interino OJETIL nian, hodi dehan deit katak nia kongratula boot teb-tebes hodi kadi nafatin joven sira nia kakutak atu hare ba future nasaun ne’e nian.

“Bainhira ita hatais kamijola ida ita tenki preparadu. Tanba ita la kuinese direitu no kuinese deit dever, ohin loron sosiedade foun, sosiedade ne’ebe mak tuir ona mundu modern nian ideas, joven barak halai liu ba koalia deit ba direitu. Tanba ne’e mak hau fo parabens ba imi nia mehi ne’e, mehi atu forma joven sira atu oinnusa bele kontrubui diak liu ba iha dezenvolvimentu i komu koalia agrikultura entaun ida ne’e diak teb-tebes” haktuir Xanana Gusmão.

Lider karismatiku timor nian nee hautan katak ohin loron seidauk hotu, foin mak tinan sanulu resin hat ukun an, tanba ne’e mak foin halo tinan sanulu resin hat ita ejiji barak teb-tebes ba iha Estadu.

“Kuandu ejiji ita koloka an ona iha sosiedade ejijentis, sosiedade ida ne’ebe mak hanoin katak rai boot-boot sira ne’e halo iha tinan sanulu ho rua nulu nia laran. Ho ida ne’e mak kuandu ita boot sira husu dehan atu halo ida ne’e, atu forma joven foun ne’e laos tua maibe joven nafatin”. “ohin mai halibur hamutuk iha ne’e laos uma, importansia ba imi nia hanoin ne’e, se atu halo deit sede ida para koalia politika ida iha ne’e hau la mai”dehan Xanana Gusmão.

Iha fatin hanesan Sekretariu Jeral Partidu FRETILIN, Mari Bin Alkatiri dehan, joven tuan  tuar atu hanoin loke dalan atu juventudi sira lao ba  oin. Ate puisia ida hanoin no ba   oin.

“Tanba  ne’e dala ida  tan ha’u fo parabens, ha’u lakohi kolaia barak. OJETIL organijasaun afeliada ba FRETILIN,  Mas  iha aktividade ne’e  tenki  halibur ema hotu-hotu  ne’e maka ha’u nia hakarak.  Programa ida  ne’e halibur ema hotu  iha kapasiade  atu kontribui  ba dezenvolvimentu ita hotu iha, atu kontribui ba liberta povu”, esplika Mari Alkatiri.

Nune’e mos prezidenti Interino OJETIL, Faustino Freitas hateten, espasu ne’ebe ohin halo lansamentu  primeiru pendra  ba sede OJETIL, sai nudar espau ba espresaun talenta no matenek kreativu hodi korela ba lema foun ne’ebe sira hakerek iha distikus hirak ne’e.

Iha parte  seluk Sekretariu Jeral OJETIL, Jose Manuel Fernandes dehan, obra refere sei kaer husi kompanha Fitun Diak ho monante Orsamentu $ 3 Miliaun.

Nia hatutan, desde halo lansamentu ne’e obra refere hahu halo ona, signifika katak ohin ba oin tenki halo ona obra foun ba sede OJETIL ne’e.

“Obra refere sei termina iha fulan walu nia lara katak iha tinan 2017 ita sei termina obra refere” esplika Jose Manuel.

 Hola parte iha seremonia lansamentu  primeira pedra  ne’e maka, Prezidente Parlamentu Nacional Aderito Hugo da Costa, Prezidente Partidu FRETILIN,  Francisco Guterres ‘Lu-Olo, Ministru Turismu Arte Kulturas, Francisco Kalbuadi Lay, Secretario Estadu Konselhu Ministru, Avelino Coelho, Secretario Estadu Juventudi Desportu, Leovegildo  Hornay, no membrus OJETIL sira. avi

Jornal Nacional