Tuir
peskiza rede edukasaun Timor –Leste Coaliation for Education (TLCE) 2015 kona
ba esperiensia edukasaun no avaliasaun literasia hatudu 26,2% populasaun
munisipio Aileu la hatene lee no hakerek maioria ho idade foinsa’e (15-24).
Jestor
Programa TLCE, Matias dos Santos, hateten objetivu husi peskiza ne’e atu prova
ba publiku katak munisipio Aileu seidauk livre husi analfabetizasaun, maske
Ministerio Edukasaun deklara ona iha tinan lima liu ba munisipio refere livre
husi analfabetizasaun.
“Ami
hakat tuir ba haree katak munisipio ida ne’e seidauk livre husi
analfabetizasaun,” nia hateten iha servisu fatin Kaikoli, Dili.
Husi
numeru 26,2% ne’e, nia hateten, maioria feto mak la hatene
lee no hakerek.
Tanba
ne’e, nia husu ba governu liu husi Ministeriu Edukasaun tenke iha duni
seriedade atu implementa programa ne’e.
Kona
ba kontinuasaun programa analfabetizasaun, nia hateten, prosesu kontinua la’o
to’o governu deklara katak Timor livre ona husi analfabetu.
Tuir
nia, programa ida ne’e diak atu fo oportunidade ba komunidades ne’ebe uluk la
escola, maibe tenke iha kontrolu ne’ebe diak husi ministerio.
Iha
tinan 2012 ME deklara ona katak munisipio lima (Dili, Manatuto, Lautem, Aileu
inklui Regiaun Autonomia Especial Oe-Cusse livre ona husi
analfabetizasaun.
Iha
parte seluk Membru Komisaun F (saude, edukasaun, kultura, veteranus no
igualidade jeneru), Deputada Ilda Maria da Conçeicão, preokupa ho deklarasaun
ida ne’e tanba realidade povu barak mak seidauk hatene lee no hakerek.
“Lolos
livre seidauk maibe hamenus, ne’e efetivu liu tanba iha balun la hatene lee no
hakerek,” nia hateten.
Nia
informa, susar tebes ba deputadu sira atu halo fiskalizasaun ba programa ida
ne’e, tanba sentru aprendizajen balun la eziste, maske tinan tinan orsamentu
aloka ba programa ne’e.
The Dili Weekly
Sem comentários:
Enviar um comentário