Rejultadu Negosiasaun Fronteira Maritima Sei Fo Sai Tinan Oin

DILI – Prosesu negosiasuan fronteira maritime entre governu Australia ho Timor Leste oras nee dadaun iha ona ONU no iha prosesu nia laran tanba nee sei fo sai nia rejultadu negosiasuan iha tinan oin fulan Julhu.

Deklarasaun nee fo sai husi Vise Ministru Negosiu Estranjeiru no Koperasaun, Roberto Soares, ba jornalista sira iha ninia servisu fatin Ministeriu Negosiu Estranjeiru no Kooperasaun (MNEK) Pantai Kelapa Kuarta (29/06/2016).

Prosesu konsiliasaun komposoriu nee iha tiha ona nomeasaun komisarius ka konsiliador husi TL no Australia nian no agora dadaun iha Nova Yorke sira halo hela diskusaun no atu estabelese termus de referensia atendementus para depois hili ida atu sai prezidente ba komisarius sira nee atu bele diskute indenpendente tuir kalendarizasaun neebe fo ona. Tinan oin mais ou menus iha fulan julhu hanesan nee it abele ona asesu ba rejultadu husi debates entre komisariu sira nee,” dehan Roberto.

Nia mos hatutan tan katak husu ba Timor oan tomak nia apoiu atu nunee diskusaun neebe mak halo entre pais rua neebe bele lao ho susesu tanba diskusaun nee sei define Tasi Timor nomos future Timor Leste nian.

Iha fatin ketak Portavos Govenu neebe asumi mos kargu hanesan Ministru Estadu Prezidensia Konsellu Ministru, Agio Pereira, liu husi nia karta komonikadu imprensa mos hatete negosiasaun fronteira maritime iha prosesu nia laran tanba nee iha viagen Primeiru Ministru Rui Maria de Araujo nian iha Bruxelas no EUA nee atu husu apoiu Internasional ba negosiasuan fronteira maritime. Informasaun kompletu iha STL Jornal no STL Web, edisaun Kinta (30/6/2016). Thomas Sanches

Suara Timor Lorosae