Povu Estado Husu Lider TL La Bele Hamosu Krize

ESTADO - Povu Suku Estadu, Postu Administrativu Letefoho Munisipiu Ermera triste, konaba Estadu Timor Leste atu hasai Xefi Estadu Maior das Falintil Forsa Defeza Timor Leste (F-FDTL), Maijor Lere Anan Timor husi forsa, halo povu sira tauk no paniku, tamba bele mosu tan krizi dala ida hanesan 2006.

Tamba nee Komunidade Jose Soares, husi Suku Estado hateten sira triste tebes ho planu Prezidenti nian foin lalais nee atu hasai Jeneral Lere husi F-FDTL.

Ami rona isu-isu husi Prezidenti atu troka maun Lere Anan Timur nee, halo ami povu sente triste tebes, tanba ami la kohi mosu tan krizi hanesan 2006, ida nee maka ami nia perokupasaun,”  hateten Jose Soares, bainhira dialogu ho PR Taur Matan Ruak iha Suku Estadu, Tersa (28/06/2016).

Komunidade suku nee mos kestiona katak, povu iha Suku Estado perokupa tebes, tanba bainhira Governu loke vaga konaba PNTL no FDTL, joven sira husi Suku refere laiha ida atu liu, nee halo sira sai perokupa boot.

Hatan ba perokupasaun nee, Prezidenti Republika (PR), Taur Matan Ruak hateten troka Jeneral Lere sei laiha problema. Xefi Estadu nee reafirma, Prezidenti Republika ho Governu konkorda malu ona atu Lere kontinua nafatin too 2017. Informasaun kompletu iha STL Jornal no STL Web, edisaun Kinta (30/6/2016).Joao Anibal