Vise
Ministra Saude Ana Isabel Soares husu ba membru Asossosiação dos Enfermeiros de
Timor- Leste ( AETL ) atu hatudu prestasaun servisu ho diak, profesional
no ho kualidade hodi servi ema moras sira iha ita nia rai laran.
Lia
hirak ne’e vise Ministra Saude Ana Isabel Soares hato’o bainhira partisipa
aniversariu Asosiasaun Enfermeiros dos Timor- Leste (AETL) ba dala XVI, Tersa
(16/8) iha salaun MSS Caicoli.
“Ho
aniversariu Asossosiação dos Enfermeiros de Timor-Leste ( AETL ) ba XVI ne’e,
hau lori ministeriu nia naran hato’o parabens ba enfermeirus no enfermarairas
Timor, hau husu imi servisu diak liu tan, hodi servi ita nia povu sira,”dehan
vise Ministra Ana Isabel.
Iha
parte seluk, secretariu jeral AETL, Santana Martins esplika, AETL hari’i husi
enfermeirus iha tinan 2000, momentu ne’eba enfermeiru sira mudifika sira nia
komitmentu, hodi organiza no define hamutuk estratezia liu-liu apoiu ba prosesu
konstrusaun servisu nasional saude.
“Tanba
ne’e ohin, ita tomak hamutuk iha ne’e hodi komemora loron espesial Asossosiação
dos Enfermeiros ba dala XVI, loron ne’ebe importante ba enfermeiros sira nian
iha nasaun ida ne’e,”tenik nia.
Tantu
Albertina da Costa sente kontente ho loron AETL nian tanba loron ne’e
importante tebes ba enfermeiras sira nian hodi hanoin fila fali tempu uluk no
tempu agora atu servisu diak liu tan servi komunidade.car
Jornal
Nacional
Sem comentários:
Enviar um comentário