EDIFISIU FOUN MF SEI INSTALA DATA CENTER

Edifisiu foun Ministeriu Finansas (MF) to’o agora seidauk bele uza ba servisu, tanba sei iha hela prosesu instalasaun interior no data center.

“Interior pitmen ida ita tau hanesan ekipamentu servisu nian hanesan kadera meja fahe ba kuartu-kuartu  servisu  nian  ne’e lao hela,  soquue  ita seidauk finaliza  hein katak,  bele finaliza  iha tinan ida ne’e, ida  fali maka  instalasaun data center ka IT ne’e   ninia servisu  paralelu ne’e servisu interior pitmen, signifika kuandu ida ohin interior pitmen ne’e avansa diak, entaun data center mos lao tuir,”esplika  Vise Ministru Finansas Helder Lopes,  ba jornalista  iha Palasiu Governu Tersa (16/08).

Nia hatutan, ba kompañia  ne’ebé maka kaer projetu ba data center no IT ninian ne’e   iha joint venture ( kompañia Timor ida ho Indonesia), agora ba interior pitmen ne’e mos joint venture kompañia sira husi Portugal.

Kona-ba  orsamentu   ne’ebé maka gasta ba projetu instalasaun no data center  ne’e rasik, Helder Lopes, dehan, nia parte ladun lembra ona.

Tuir Helder Lopes nia haree  projetu rua ne’e la’o diak  hela, no hein katak ninia implementasaun  kontrator sira aselera lalais.avi

Jornal Nacional