DILI,
(ANTIL) – Atu implementa polítika dezentralizasaun iha munisípiu sira,
kapasitasaun iha área rekursu umanu importante.
“Em-prinsípiu
hosi governu Austrália iha ona tempu naruk apoiu munisípiu ita Timor Leste i
sei kontinua apoiu polítika desentralizasaun iha Timor-Leste”, Diretór
Exekutivu governu lokál Victoria, Graeme Emonson hatete iha Ótel Timor, Kuarta,
(17/8).
Ho
relasaun amizade ne’e, governu Victoria, iha fleksibilidade tomak atu tulun
Timor iha área kapasitasaun.
Liu-hosi
konferénsia Dezentralizasaun Administrativa no Poder Lokál ho tema “Construir o
Poder Local com Determinação e Coordenação ne’ebé organiza hosi Ministériu
Administrasaun Estatal, Graeme Emonson hatutan, TL ho Austrália iha ona
relasaun ne’ebé naruk bazeia ba amizade no respeitu mutuo.
Governu
Victoria oras ne,e dadaun halao mos reforma ba munisipál kona-ba revizaun lei
governu lokál Vitoria, hadi’a governasaun munisipál no apoiu sustentabilidade
poder lokál inklui promove partisipasaun feto iha governu lokál.
Vise
Ministru Estatal TL, Tomas Cabral iha nia intervensaun hatete, kona-ba progresu
no dezafiu iha prosesu dezentralizasaun administrativa haree liu ba servisu
munisípal no eleisaun.
Tomas
esplika, objetivu hosi dezentralizasaun nudar planu estratejiku dezenvolvimentu
nasionál 2011 to’o 2030 estabelese objelivu haat atu atinji polítika
dezentralizasaun administrativa liu-hosi dezenvolve setór privadu, promove
instituisaun estadu ida forte, kria oportunidade foun iha partisipasaun
demokrasia no asegura prestasaun ida efektivu tuir konstituisaun RDTL artigu 72
hatete.
”Agradese
ba delegasaun hosi Austrália no Portugal, maske dok sira bele partisipa iha
ne’e”, Tomas Cabral agradese.
Konferénsia
ne’e hetan partisipasaun hosi sekretariu estadu das autarquias lokais,
Portugal, Carlos Miguel. Reprejentante governu lokál ba estadu Victoria no
administadór munisípiu sira inklui administradór sub distritu TL.
Atividade
ba konferénsia dahuluk mak elabora planu investimentu no kooperasaun munisipál
ne’ebé sei fasilita hosi diretór jerál dezentralizasaun administrativa TL.
Diretór
jerál ajénsia dezenvolvimentu nasionál, Samuel Mendonca sei fasilita sesaun
implementasaun programa planeamentu dezenvolvimentu integradu. Nune’e mos
diretór Programa Nasionál Dezenvolvimentu Suku (PNDS) sei fasilita sesaun. (jornalista:
Manuel Pinto; editora: Rita Almeida)
Foto:
Ministériu Administrasaun Estatal, Kuarta, (17/8) to’o Kinta, (18/8) organiza
konferénsia Dezentralizasaun Administrativa no Poder Lokál ho tema "Construir
o Poder Local Com Determinação e Coordenação iha Ótel Timor. Foto ANTIL/Antonio
Gonçalves
Sem comentários:
Enviar um comentário