TANBASA PROJECTOS INFRA-STRUTURA NEBE IMPLEMENTA IHA TIMOR LESTE DALA WAIN LAIHA KUALIDADE..?

Caetano Jose Freitas, opiniaun

I. Introdusaun

Dezenvolvimentu Infra-estrutura hanesan Estrada, Ponte, Irigasaun, Edifisiu, Rede abastesimentu be mos, Rede elektrika no sira seluk importante tebes hodi bele servi nesesidade sidadaun sira moris iha aspektu ekonimiku, sosial no institusional. Ho lia fuan badak bele dehan katak infra-estrutura nee importante tebes ba dezenvolvimentu nacional tuir Plano Estratejiku Dezonvolvimentu Nasional (PEDN) Timor Leste nian.

Maibe dalawain Projectos Infra-strutura sira nebe mak implementa iha Timor Leste POVU HALERIK tanba LAIHA KUALIDADE. Exemplu: Estrada sira iha Kapital Dili Rehabilita la too Fulan tolu (3) at fila ali ona, no agora halo inundasaun makas iha tempu udan. Estrada ligasaun Dili – Baucau agora Kuak ba bebeik fali tiha ona, no projectos infrastrutura sira seluk barak nebe mak laiha kualidade.

Tuir hau nia hare no hatene katak obras sira ne’ebe Governu Konstitusional Timor Leste halo dala wain lahetan kualidade ne’ebe diak, tanba  Faktores sira hanesan tuir mai nee:

1. La iha Planeamentu ida maka Integradu, Global no Longu Prazu 

2. La iha supervisaun ba projektu maka efektivu no kontinu husi Governu/Ajencia Kompetente. 

3. La iha Kualifiakasaun husi Instituisaun kompetente ba Empreza nasional iha Dezain no Konstrusaun Civil liliu iha aspektu Finaseira, Pessoal Tekniku, Teknologia no Ekipamentus.

  

II. Rekomendasaun

Ho faktores sira nebe halo Projectos Laiha Kualidade maka  Hau Rekomenda ba VI Governo Konstitusional spesialmente ba Ministro Obras Publika e Telekomunikasaun atu hare kestaun sira hanesan nee. Rekomendasaun mak hanesan tuir mai nee:

1. Orienta supervisor sira atu halo kontinuidade ba supervisaun obras publika wainhira projeitu hahu lao too remata. 

2. Ministro Obras Publicas atu halo kapasitasaun ba pessoal tekniku nebe halo supervisaun ba obras sira iha Territoriu Nasional tomak (tanba durante nee ami hare katak supervisor seidauk halao knar diak) 

3. Presiza hare/defini diak ba funsaun Ministerio Obras Publicas no Agencia de Desenvolvimento Nacional (ADN) konaba prosesu supervisaun ba projetu publiku sira (tanba ami hare iha duplikasaun servisu maibe rezultado servisu hanesan deit)

4. Presiza hare no avallia diak ba kriteria atu harii kompanha(tanba atu hetan kualidade servisu nebe diak konforme ba kapasidade kompannha) 

5. Presiza aplika sansaun ba kompanha sira nebe halo servisu laiha kualidade(tanba impede planu dezenvolvimento governo nian) 

6. Husu mos ba VI Governu Konstitusional atu bele konsidera Estagiu Akademiku/Profisional ba Finalista Estudante Engenharia Civil husi Universidade sira iha Timor Leste kona ba prosesu Planeamentu, Ekzekusaun no Fiskalizasaun Projektu Publiku iha Territoriu tomak, hanesan parte husi formasaun no promosaun Rekursos Humanos Lokal/Nasional.

Husu ba parte Minisreiro Obras Publica no Parte kompotentes sira atu hare rekomendasaun hirak nee, atu nune ita lao ba oin ho dezenvolvimento fiziku mak ho kualidade. 

Husi: Caetano Jose Freitas Nu. Kontaktu: +670 77490286 Email:bahaboba.qian1989@gmail.com