EMPREGU RURAL FO SERVISU BA INAN-AMAN

Diretor  Jeral  Sekretariu  Estadu  Politika  Formasaun  Profesional  no  Empregu  (SEPFOPE),  Jacinto  Barros  Gusmão dehan, objetivu  programa  empregu  rural  ne’e  atu  fó  servisu  ba  inan  aman  ne’ebé  mak  loron  loron  servisu  iha  to’os  no  natar,  hodi  hetan  netik  $3,00  no  sente  prosesu  dezenvolvimentu  iha  rai  laran.

 “Ema  barak  hare  SEPFOPE  halo  estrada  ne’e  laos  kompetensia, maibe  obras  públika  ninia  ne’ebe  halo  ho  ekipamentus  bo’ot  sira, maibe  ami  SEPFOPE  ninia  empregu  rural  dehan  katak, atu  fo  servisu  ba  ema  rural  ba  inan  aman  sira  ne’ebe  nunka  tama  servisu  projetu  ninia, tamba  sira  loron  loron  halo  to’os  no  natar  deit,  nune’e  inan  aman  mos  bele  sente  prosesu  dezenvolvimentu  nasaun  ne’e  nian,’’dehan Jacinto  Baros  Gusmão JN-Diário  iha  nia  kna’ar  fatin  Caicoli  Dili, Sabadu  (1/10).

Tuir  nia, emprezariu  lokal  sira  ne’ebe  mak  hala’o  konstrusaun  iha  area  rural  la dun  fo  benefisiu  ba  inan  aman, tamba  lori ekipamentus mak hala’o konstrusaun valeta  no estrada.

Tamba  osan  Estadu  la  tama  inan  aman  sira  nia  bolsu, maibe  tama  fali  ba  sira  nia  bolsu, nune’e  empregu  rural  ne’e  dehan  katak,  halo  Estrada  no  ke’e  ho  liman  nune’e  oinsa  komunidade  sira  bele  netik  osaun  $  3,00  hodi  hola  netik  ba  kafe  ho  masin  midar  ,tamba  ne’e  sira  mós  sente  kontribui  ba  prosesu  dezenvolvimentu.Tos

Jornal Nacional