PR Cabo Verde ne'ebé eleitu fali hatete katak abstensaun istóriku mosu tanba kompetividade fraku

Prezidente Repúblika Cabo Verde nian, Jorge Carlos Fonseça, justifika ona valór istóriku hosi abstensaun iha votasaun loron-domingu nian ho kompetividade disputa fraku no ho ideia katak nia re-eleisaun garantidu antes.

"Parte di'ak ida hosi sidadaun eleitór sira senti konvensidu ona ba partida katak sei manán eleisaun sira", hatete hosi Jorge Carlos Fonseca.

Advogadu no konstitusionalista, ne'ebé hili fila fali ho votu 74%, hatán ba pergunta sira hosi jornalista sira iha nia sede kampaña nian iha kapital kabu-verdianu, ne'ebé iha loron-domingu kalan (oras lokal) halo diskursu vitória nian.

"Ema hotu hatete mai ha'u. Iha rai laran ema hotu senti konvensidu katak ha'u sei manán eleisaun sira. Nune'e maka ha'u tenki hatete atu sira hakmatek no halo apelu ba votu", nia hatutan.

"Ema kabu-verdianu rihun resin la vota tanba sira hatene katak ha'u manán tiha ona eleisaun sira, nune'e bele hatete katak, bainhira ladún iha abstensaun, karik ha'u manán ho diferensa ida boot oituan duké númeru ne'ebé maka ha'u hetan", nia hatutan.

Jorge Carlos Fonseca konsidera mós "kompetividade eleitoral ne'ebé fraku" sai hanesan kauza hosi abstensaun ne'ebé aas liu 60%.

"Hanesan normal atu ema sira ladún envolve maka'as tanba laiha momentu ida interupsaun polítiku nian hanesan iha konkorénsia ida ne'ebé kompetitivu liu ka karik ami iha interupsaun iha momentu polítiku ida", nia hatete.

Xefe Estadu halo aluzaun ba kandidatura ne'ebé nunka halo hosi eis-primeiru-ministru hosi Partidu Afrikanu ba Independénsia Cabo Verde nian (PAICV), José Maria Neves.

Maski hosi nível istóriku ba abstensaun nian, ne'ebé aas liu hahú hosi eleisaun demokrátiku sira iha Cabo Verde, Jorge Carlos Fonseca subliña ona kata nia lejitimidade hanesan kompletu no senti konfortável ho sirkunstánsia sira hosi eleisaun.

"Ha'u senti deskonfortável tanba iha vitória ida boot hanesan ne'e, espresivu liu iha istória, iha 3/4 hosi votu espresu sira, fiar metin katak parte boot hosi ema auzente sira iha eleisaun hanesan ha'u nia eleitór sira?", nia husu.

"Demokrasia iha regra sira no sé maka manán eleisaun sira hanesan sé maka iha maioria hosi votu válidu sira ne'ebé hatudu iha urna sira. Ha'u iha persentajen ida besik 3/4 hosi votu sira ne'ebé hatudu iha urna sira, tanba ne'e ha'u tenki senti haksolok tebes, satisfeitu no senti iha isin no klamar nu'udar Prezidente no ho kondisaun sira nu'udar Prezidente hosi ema kabu-verdianu sira hotu hanesan ida ne'ebé ha'u halo durante tinan lima nia laran", nia hakotu.

Tuir informasaun provizóriu sira no bainhira sei falta konta votasaun hosi sírkulu eleitóral sira hosi Amérika sira, iha eleisaun sira ne'e vota ona eleitór hamutuk 125.202, ekivale ba 36,3% hosi total ne'ebé inskritu bainhira 219.300 halo abstensaun iha 63,7%.

Nune'e, Jorge Carlos Fonseca sai hanesan Prezidente Repúblika datoluk, eleitu fali ba mandatu daruak, tuir Pedro Pires (2001-2011) ho António Mascarenhas Monteiro (1991-2001).

Tuir Komisaun Nasional ba Eleisaun sira (CNE) katak iha eleisaun prezidensial sira ne'e rejista ona eleitór hamutuk 361.206, ne'ebé na''in 314.073 iha teritóriu nasional no na'in 47.133 iha estranjeiru.

SAPO TL ho Lusa - Foto@ Eneias Rodrigues/ EPA