Atuasaun PNTL Hasoru Povu Ho Brutalismu, Povu Kesar Ba PR Taur

BOBONARO – Atuasaun Polisia Nasional Timor Leste (PNTL) hasoru povu kiik sira ho brutalismu, Povu husi Suku Ritabou, Postu Administrativu Maliana, Munisipiu Bobonaro kesar Polisia ba Prezidente Republika (PR) Taur Matan hodi tau atensaun.

Tuir Komunidade Dorão Lino da Silva hateten atuasaun husi PNTL nian bainhira halo atuasaun ruma ba problema kiik deit, la tuir ona lei ho ordem neebe maka iha, maibe ba uza forsa hanehan povu kiik nafatin.

Tuir hau hatene Polisia nia atuasaun ba problema ruma uza buat tolu, obdese, servi e proteze, tanba nee tenke liu husi aprosimasaun no la bele ona maka bele uza forsa, maibe karik sira iha ameasa ruma ka ema seluk nia ameasadu maka bele mais realidade ami hare la iha ameasa ruma sira too ba uza kedas forsa,” dehan Dorão ba Presidenti Republika Taur Matan Ruak bainhira halao dialogu ho komunidade suku Ritabou, Domingu (02/10/2016).

Tanba nee nia konsidera atuasaun PNTL nian hasoru povu kiik nee la justu, lolos sira ba halo atuasaun tenke husu uluk lai maka foin bele uza forsa, laos too ba la hetene problema nia hun foti kedas medidas.

Hatan ba kestaun nee Presidenti Republika Taur Matan Ruak dehan, atuasaun PNTL nian uza ecesivu hasoru povu, mais Presidenti louva sira nia serbisu tanba PNTL halo serbisu diak kompara ho nasaun seluk aat liu TL nia Polisia. Informasaun kompletu iha STL Jornal no STL Web, edisaun Tersa (4/10/2016). Joao Anibal

Suara Timor Lorosae