Fretilin Reuniaun Nivel Rejional

AINARO - Partidu istoriku Fretilin nivel rejional ba estabelisimentu postu kampania iha rejiaun Sul, Ainaro, Covalima no Same neebe lidera direita husi Vise Prezidente Partidu Fretilin Francisco Miranda Branco.

Vise Prezidente Partidu Fretilin Francisco Miranda Branco hateten, Reuniaun ida neebe halao iha rejiaun lima, ohin halao iha korta Sul neebe kompstu husi, Munisipiu Manufahi, Covalima no Ainaro.

Objetivu husi reuniaun nee maka hanesan reuniaun servisu atu estabelisimentu postu kampania iha nivel Postu Administrativu.

Ami sei destaka Membru Comite Central ida ba Postu Administrativu ida idak, maibe membru CCF nee lamai hasai kompetensia kordenador Postu Administrativa sira,” dehan Branco ba STL, hafoin remata reniaun Rejional ba estabelisimentu postu kampania iha rejiaun sul, Munisipiu Ainaro, Domingu (04/12/2016).

Vise Prezidente Partidu Fretilin atual Vise Prezidente bankada Fretilin iha uma fukun PN nee realsa tan katak, Postu de kampania nee maka sei sai sentru ba informasaun hotu hotu, kuandu tama ona ba iha prosesu kampania nia laran.

Iha fatin Sekertariu Jeral Joventude FRETILIN Abrao Saldanha Nocosico hateten, Fretin atu manan eleisaun nee tenke prepara no organiza ema, liu liu militante sira atu vota ba Fretilin iha tempu eleisaun.

Entertantu membru Partidu Fretilin Munisipiu Ainaro Fernao Bianco husu atu partidu Fretilin ba ho meteria, laos istoria iha kampania, atu nuee ba povu hatene. Informasaun kompletu iha STL Jornal no STL Web, edisaun Tersa (6/12/2016). Carme Ximenes

Suara Timor Lorosae