Ensinu Superior Garante Produtus Ba Kualidade

DILI - Komisaun F Parlamentu Nasional (PN) konsidera, ensinu superior bele asegura  no garante  produtus ba kualidade  rekursu umanus  ba iha futuru.

“Hau la involve barak liu iha ensinu superior, maibe hanesan observasaun husi dook, ita presiza atu hadia kualidade, intermus de dosentes no curriculum, tanba ensinu superior nee, bele asegura ona garante produtus ba kualidade rekursu umanus ba futuru. Husi ida nee mak bele asegura kontimidade ba iha ensinu sira seluk, tanba ensinu superior nee, hanesan ensinu neebe mak prepara ona ouput ida neebe mak atu bele kontribui fali  iha ensinu sira seluk, entaun ida nee importante teb-tebes,” dehan deputadu Bankada CNRT Patrocino  F dos Santos ba  STL  iha uma fukun PN  Dili, Kinta  (28/09/2017).

Deputadu  Patrocino, sublina, maske nia rasik la involve  direita iha ensinu superior sira neebe mak iha Timor laran, maibe  ba oin, presiza atu bele hadia diak liu tan, tanba  ensinu superior nee  mak  sei determina rekursu umanus neebe  baa ban bain rua ninia.

Iha parte  seluk, Reitor IOB, Augusto da Conceicao  Soares, liu husi telefone  hatete hadia  kualidade  ensinu superior, universidade ou institute  ida-idak tenke  kria kondisoins ida neebe mak diak, inklui  fo kapasitasaun nafatin ba ninia dosente sira, atu nunee  dosente  bele fo aprendizajen neebe mak diak liu tan ba estudante sira, tanba governu liu husi Ministeriu  Edukasaun  (ME) sempre  fo apoiu ba universidasde privadu sira liu husi subsidiu, atu nunee bele apoiu  dosente sira hetan formasaun.

“Ita  atu hadia  kualidade  ensinu superior, universidade ou institute  ida-idak tenke  kria kondisoins ida neebe mak diak, inklui  fo kapasitasaun nafatin ba ninia dosente sira, atu nunee  dosente  bele fo aprendizajen neebe mak diak liu tan ba estudante sira, tanba governu liu husi ME,”dehan nia.

Iha parte seluk, jornalista tenta atu halo intervista ho Direitora Jeral ensinu superior siensia e teknolojia, Elsa Maria Correia, maibe laiha fatin, tanba okupadu ho enkontru servisu nian iha  Ministeriu. 

Jacinta Sequeira/Guilhermina Franco | Suara Timor Lorosae