Kompete ASEAN, Governu Tenke Prepara Setor Privadu

DILI - Atu Timor-Leste adere ba iha Organizaun Rejional Sudeste Asiatiku ka Association South East Asia National (ASEAN) ida nee normal politikamente mos hakarak nunee, maibe husi Timor-Leste tenke preparadu atu sai membru ba ASEAN tamba tama ona iha organizasaun nee atu kompete.

Tuir Prezidente Prezidente Camara Comercio Industria Timor-Leste (CCI-TL) Oscar Lima katak kestaun Timor Lesta atu adere ba organizasaun rejional sudeste asiatiku ka ASEAN nee kestaun normal politikamente.

Maibe ita prontu kompete iha ASEAN tamba tama iha organizau nnee rasik atu kompete, tamba nee hanesan hau hateten bebeik ona katak ita tenke prepara seitor privadu ho diak para bele adere ba ASEAN,” dehan nia ba jornalista sira hafoin remata enkontru ho Prezidente Republika Francisco Guterres Lú Olo iha Palsiu Prezidensial Nicolau Lobato, Bairru Pite, Segunda (23/10/2017).

Prezidente CCI-TL nee hateten Timor-Leste atu hola parte iha ASEAN nee laos problema nee kestaun neebe ke normal ida parte importante husi nee maka oinsa maka bele prepara seitor privadu ho diak, hodi bele kompete ho nasaun membru ASEAN sira seluk se lae maka labele kompete iha ASEAN.

Iha sorin seluk akademiku Universidade Dili (UNDIL) Francisco Mausoro hateten atu adere ba ASEAN rekursu humanus sai faktor determinante no sai mos ba Timor-Leste, bainhira adere ba ASEAN. 

Natalino Costa | Suara Timor Lorosae