PCM Adriano: PM Mari Seidauk Troka

DILI - Ministru Na Prezidensia du Konsellu de Ministru Adriano do Nascimento hateten, Governu ida nee sei sai hanesan Governu VII Governu Konstitusional, no ninia Primeiru Ministru maka Dotour Mari Alkatiri, laiha tan seluk.

Primeiru Ministru seidauk troka, I ami sira nee mai atu apoia Dotour Mari Alkatiri hanesan Primeiru Ministru, neebe Primeiru Ministru Mari Alkatiri laiha tan seluk,” dehan PCM Adriano ba jornalista sira, iha Palasiu Governu, Segunda (23/10/2017).

Konaba Programa neebe maka Governu aprezenta ba iha Parlamentu Nasional, PCM Adrinao hateten, Governu aprezenta programa ba PN loron haat neebe ke transmisaun direita ba public, hanesan membru Governu ou hanesan Ministru idak idak kuandu ba Munisipiu, esplika mos konaba saida maka Governu ida nee atu halo para povu iha serteza, katak Governu ida nee mai ho Programa ida neebe ke hakarak hadia duni povu nia moris.

Eis Vise Prezidente Parlamentu Nasional iha terseira lejislatura nee hateten, Sekertairu Estadu Kosellu Ministru fo ona orientasaun atu hadia fali programa nee tuir ejizensia deputadu sira ninian konaba etsruturasaun, no buat balu seidauk tau iha neeba.

Nia dehan, Programa Governu  Laiha limitasaun ida primeiru nee maka iha 30 dias atu hatama, maibe Governu ida nee sei hakas aan para atu hatama iha tempu badak, depois halo ajustamentu ou saida maka deputadu sira hakarak.

Iha parte ketak Direitor ONG Gertak Faustinho Magno hateten, program VII governu neebe parlamentu sira deskute haree katak la hatudu sentidu estadu, tanba laiha opozisaun ida mai katak atu aseita sira rezeita deit, maibe programa sira nee hotu atu koalia ba povu nia moris diak. 

Carme Ximenes | Suara Timor Lorosae