Konstrusaun Monumentu Lifau Abandona

AMBENO — Monumentu Lifau, hanesan fatin furak tebes ba turismu iha rejiaun Oecusse, fatin sempre nakonu ho ema liu-liu iha loron sabado no domingu   no loron boot sira seluk, maibe konstrusaun ba monumentu nee tinan ida ona abandona.

Kompania neebe kaer obra monumentu Lifaun desde 17/9/2016 too oras nee seidauk kontinua halo servisu, maske iha area monumentu Lifau rasik dadaun nakonu hele ho falidades balu ona, hanesan duut lampu listrik no seluk tan.

Tuir Prezidente Autoridade Rejiaun Oecusse Ambeno, Mari Alkatiri, obra neebe halo husi kompania Dameni Unip,Lda, laiha kualidade tan nee husu orarol barak barak atu entrega ba governu  ka  autoridade atu halao,  sei la entrega. Nee aban bairua keta husik deit fatin hanesan nee para turista sira mai bele hatene saida mak governu sentral halo no saida mak autoridade halo,” dehan atual PM iha bairo sikluli Suku Costa Sub Rejiaun Pante Masakar Oecusse, Domingu 22/10/2017.

Primeiru ministru VII Governu nee hatutan desizaun governu nian mak nee, abandona servisu obra, laos iha monumentu lifau deit maibe mos iha jardim Oebau husi kompania Dameni.Unip,Lda, obra rua abandona kuaze tinan ida ona neebe mai husi governu sentral, iha total osan gastos hamutuk miliaun 2.400 dolar amerika.

Hau sei buka hatene osan hirak mak sira gasta ona iha obra nee, porque hau rona dehan katak sira halo servisu nee too agora seidauk simu osan, tanba nee mak hau mos lakohi kaer sei hau kaer fali depois ema sira mai husu fali osan iha mai hau, nee hau lahatene atu rezolve halo nusa uluk hau sei iha nee mos hau dehan hau husu sira atu entrega mai, mas entrega mai tenke ho informasaun tomak, osan hira mak gasta ona, ema sira nee simu ona ka seidauk, too agora hau seidauk simu informasaun, osan neebe mak hamutuk 2.400 maibe,” nia dehan.

Entretantu tuir Diretur Obras Public RAEOA Candido dos Reis Amaral dehan too agora husi parte autoridade seidauk rona informasaun husi governu sentral konaba obra Monumentu Lifau.

Konaba obra jardim lifau no jardim oebau obra rua nee ate agora seidauk iha resposta ruma husi governu sentral ba asuntu nee, maibe ita hein katak depois de governu foun nee bele fo ona orientasaun ruma para  nunee ita bele iha kontinuasaun ba obra rua nee,” Candido relata obra rua nee dadaun abandona, tan nee husu Ministeriu  Turismu atu  responsabiliza.

“Ita hein   governu foun nee bele iha mekanismu seluk intermus koordenasaun oinsa atu servisu nee entrega ona ba autoridade ka ou responsabilidade nafatin husi governu sentral,” komenta Candino. 

Abilio Elo Nini | Suara Timor Lorosae