Governu Submete OR Ba PN

DILI – VII Governu Konstitusional submete proposta Orsamentu Ratefikativu, ba meja Prezidente Parlamentu Nasional, para Parlamentu Nasional marka data hodi diskusaun.

Sekertariu Estadu Konsellu Ministru Komunikasaun Sosial Matias Boavida hateten, Ajenda ida importante neebe kolia iha Konsellu Ministru maka konaba perparasaun Orsamentu Ratefikativu, neebe maka aprovadu ona no ohin submete ba Parlamentu Nasional.

Entretantu Iha ajenda ohin mos Konsellu Ministru aprova dekretu VII Governu Konstitusional, neebe iha dekretu iha Governu nee kolia oinsa kompetensia kada Ministeiru nian, no oinsa Ministru sira nia kompetensia, neebe dekretu hetan diskute klean tebes iha Konsellu Ministru.

Orsamentu Jeral Estadu iha altura neeba ita iha 1.3 ba OJE, hafoin nee ita iha situasaun sira neebe emerjensia, projetu no sira seluk tan agora nee sae ba 1.6 tetu final ba ida nee,” dehan Sekertariu Estadu Matias, ba jornalista sira, iha Palasiu Governu, Kuarta (08/11/2017).

Orsamentu ratefikativu tuir Sekertariu Estadu Matias katak, Atu hatan ba nesesidade emerjensia sira neebe maka durante nee, deputadu sira kolia barak liu konaba nesesidades baziku.

Iha parte ketak Xefi bankada Fretilin Francisco Miranda Branco hatete, Governu tenta atu lori Orsamentu Ratefikativu mai Parlamentu Nasional, tanba ezijensias barak, husi povu kiik sira. 

Carme Ximenes-Maria Lay | Suara Timor Lorosae