Desizaun EA Kompetensia PR, Normal Konsolida Militantes

DILI - Atu foti desizaun ba eleisaun antisipada ka lae nee iha kompetensia Prezidente Republika nia liman tuir dalan legal konstituisaun neebe iha. No sedauk tempu atu partidu seluk halo konsolidasaun ba militantes.

Lia fuan hirak nee hatoo husi Observador Politika husi Universidade Nasional Timor Lorosae (UNTL) Camilo Ximenes ba STL iha nia knar fatin Kaikoli Dili Segunda, (18/12/2017). Nia dehan, iha lider partidu politiku balun halao uluk tuir politika neebe sira iha.

Tuir hau nia hanoin dehan ho lian Indonezia dehan mendahului signifika katak ita halo uluk buat neebe lolos sedauk presiza atu halo. Tanba dezisaun final husi prezidente republika sedauk fo sai ba publiku konaba elisaun antisipada ou lae,” nia kualia.

Nunee mos Prezidente Republika atu foti dezisaun ruma tenki bazeita ba lei konstituisaun neebe iha. Agora tuir lolos governu sei iha tenpu ba nia dala ida tan atu lori nia programa dala ida tan ba parlamentu nasional atu halo diskusaun no aprovasaun. Mais karik PN rezeita programa nee maka PR foti dezisaun.

Portavos partidu koligasaun partidu UDT, PUDD no Frente Mudansa neebe hanaran Frenfe Dezenvolvimentu Demokratiku (FDD) Jose de Sa Benevides dehan katak tuir situasaun politika no polimika sira neebe iha oras nee dadaun sei hetan dezisaun ikus husi prezidente republika tuir lei konstituisaun neebe iha. 

Justinho Manuel | Suara Timor Lorosae