Parlamentu
Nasional timoroan hahú fali, iha loron-segunda oinmai, plenáriu sira, ne'ebé la
hala'o dezde loron 20 Novembru, hodi debate iha jeneralidade no espesialidade
Orsamentu Retifikativu, ne'ebé kritikadu hosi opozisaun maioritáriu.
Debate
loron rua iha jeneralidade no loron tolu iha espesialidade marka ona hafoin
semana hirak nia laran iha tensaun polítikaa entre bankada sira ne'ebé apoia
Governu: Frente Revolucionária do Timor-Leste Independente (Fretilin) ho
Partidu Demokrátiku (PD) no partidu opozisaun tolu: Congresso Nacional da
Reconstrução Timorense (CNRT), Partidu Libertasaun Popular (PLP) ho Kmanek
Haburas Unidade Nacional Timor Oan (KHUNTO), ne'ebé kontrola fatin 35 hosi
fatin 65 iha parlamentu.
Kritika
hosi opozisaun, ne'ebé tenta trava nia tramitasaun, Orsamentu Retifikativu
debate hela iha nível komisaun sira, ne'ebé ho opiniaun téknika hosi Komisaun
C, hosi Finansa Públika nian, hetan xumbu.
Teresinha
Viegas, "númeru rua" hosi bankada hosi partidu boot opozisaun nian,
CNRT, esplika ba Lusa katak opozisaun kritika testu ne'e tanba falta konteúdu
(inklui obrigasaun legal sira) no mós ba momentu.
"Ministru
Finansa rasik rekoñese ona falta utilidade balun hosi Orsamentu Retifikativu
(OR) ne'e tanba hakotu ezekusaun orsamental rasik iha loron-sesta, 15
Dezembru", nia esplika.
Deputada
esplika ona katak Governu mós la kumpri rekizitu tomak ne'ebé maka lei haruka, inklui
kona-ba levantamentu adisional ne'ebé maka sei presiza hosi Fundu Petrolíferu.
"Maski
hosi vota kontra opiniaun ne'e la limita diskusaun iha plenáriu ne'ebé bele
akontese ho opiniaun ka la'e. Desidi ona iha konferénsia hosi líder sira maka
markasaun loron rua ba debate iha jeneralidade no loron tolu ba
espesialidade", nia hatete.
Teresinha
Viegas konfirma ona katak nia bankada aprezenta mós pedidu ida, "tuir
permiti iha rejimentu", hodi inklui iha ajenda loron nian debate kona-ba
dokumentu tolu ne'ebé maka opozisaun hakarak diskuti.
Hanesan
rekursu hasoru tramitasaun hosi Orsamentu Estadu, proposta sensura ida hasoru
Governu no proposta ida hodi demiti prezidente Parlamentu Nasional.
Bankada
sira koligasaun nian insisti atu asuntu sira ne'e tuir loloos labele tama iha
ajenda iha loron ne'ebé diskuti Orsamentu Retifikativu.
SAPO
TL ho Lusa
Sem comentários:
Enviar um comentário