Hosi: Hercus Pereira dos Santos * | opiniaun
1. Feliz o homem que tem uma boa
mulher, pois, se duplicará o número de seus anos. 16. A graça de uma mulher
cuidadosa rejubila seu marido, 17. e seu bom comportamento revigora os ossos.
19. A mulher santa e honesta é uma graça inestimável; (Livro do Eclesiástico
Cap, 26:1.16.17.19).
Ohin loron, Timor-Leste hasoru hela dezafiu krusiál no fundamentál iha prosesu
harii Estado de Direito Democrático relasiona ho asesu ba justisa; julgamentu
ne’ebé justu. Ita haree katak ema barak tebes ko’alia, kestiona no fó hanoin
kona-ba prosesu justisa iha rai laran.
Problema sira iha justisa la’ós
problema foun. Iha Istória umanidade nian, mosu insatisfasaun ba justisa sempre
relasiona ho ukun na’in sira-ne’ebé dala barak halo arbitrariedade iha
julgamentu, julgamentu ne’ebé la justu, halo julgamentu tuir sira-nia hakarak
lori hamosu injustisa ba povu ki'ik sira, la iha tratamentu ne'ebé hanesan iha
prosesu justisa. Problema sira-ne’e mosu tanba ligadu ho ukun no polítika
ne’ebé iha relasaun ho abuso do poder.
Ukun na’in sira tempu uluk halo
abuso do poder tanba sira iha fiar ida katak sira-nia ukun hetan lejitimasaun
hosi Lulik ou hosi Maromak (Divino) no sira-nia ukun la iha ema ida maka bele
kontra. Sira halo atu povu sira haree sira nu’udar reprezentante Maromak nian
ou Lulik nian. Povu sira hana’i sira no hahi'i sira nu’udar Liurai, Dato, Amu,
Na’i, Maun-Boot. Iha parte seluk ligadu moos ho sira-nia interese polítika ba
ukun. Atu ukun sai forte, sira dalaruma halo povu ta'uk sira, atu sira bele
kontinua ukun. Ba kestaun sira-ne’e ita haree katak abuso do poder nu’udar inan
ba hahalok ne’ebé ukun na’in sira nian ne’ebé mete demais ba justisa lori halo
buat hotu iha justisa tuir sira-nia hakarak no lori hametin sira-nia ukun.
Iha mundu osidentál ne’ebé sai nu’udar referénsia ba ita no ba Istória Direitus
Umanus nian, ita hotu hatene katak ida hosi testu prinsipál ne’ebé lori
kontribui ba elaborasaun mekanizmu protesaun mundiál no estaduál ba Direitus
Umanus nian no moos asesu ba tratamentu ba justisa ne’ebé justu lori kontra
ukun na'in sira-nia podér arbitrariedade iha kestaun justisa nian maka Magna
Carta (1215) iha Inglaterra. Tanba dato sira (os barões) iha Inglaterra ladún
haksolok ho Liurai João Sem Terra ne’ebé maka sira rasik maka foti nia sai
Liurai tanba Liurai João Sem Terra ukun la tuir dato sira-nia hakarak maka dato
sira ho sira-nia forsa halo marxa ba kapitál Inglesa lori hato’o sira-nia
ezijénsia iha fulan maiu 1215. Ikus mai lori hamosu dokumentu ida ho naran
Artigos dos Barões (Articles of Barons) ne’ebé sai nu’udar baze ba Magna Carta.
Dato sira obriga Liurai João Sem
Terra lori rekoñese priviléjiu dato sira nian no moos lori limita Liurai nia
ukun. Uluk nanain dokumentu ne’e iha benefísiu ba dato sira maibé depois povu
sira moos hetan hotu benefísiu tanba aplika moos ba povu sira hotu. Magna Carta
sai nu’udar instrumentu ida-ne’ebé fó orijen lori hamosu konseitu due process
of law; devido processo legal. Katak prosesu julgamentu tenke justu no bandu
atu la bele iha tan arbitrariedade hosi Liurai no moos hosi Parlamentu sira.
Tuir Profesór António José Fernandes hakerek iha ninia livru ho títulu Direitos
Humanos e Cidadania Europeia hateten, iha pájina 25, katak “A Magna Carta é um
dos documentos que fazem parte dos antecedentes históricos dos direitos
humanos; pois destinando-se a salvaguardar a liberdade pessoal perante o abuso
do poder”. Katak Magna Karta nu’udar ida hosi dokumentu Istóriku dahuluk sira
Direitus Umanus nian, tanba iha objetivu lori proteje liberdade pesoál hasoru abuzu
podér. Tanba Magna Carta hakerek “nenhum homem livre poderia ser detido,
sujeito a prisão, privado dos seus bens, exilado, ou alvo de outra forma de
violência, senão com base num julgamento assente no respeito pela Lei do
Reino”. Ho nune’e maka Magna Carta bandu tebes, la fó dalan, ba prosesu justisa
ne’ebé maka ukun na’in sira halo tuir sira-nia hakarak de’it. Magna Carta
limita podér arbitrariedade ukun na’in nian iha justisa.
Direitu ba devido processo legal hetan moos fatin iha iha testu prinsipál sira
seluk Direitus Umanus nian hanesan Bill of Right (1688) no moos iha Act of
Settlement (1700). Iha Estados Unidos da América, iha tinan 1777, iha
Declaração de Direitos de Nova York soi moos liafuan due processo of law. Hosi
ne’e maka iha Estadu hotu-hotu ne’ebé konsidera an nu’udar Estado de Direito
Democrático sempre buka atu labele iha arbitrariedade hosi ukun na’in sira ba
sidadaun sira hotu. La’ós de’it hatudu liuhusi ukun na'in sira-nia ko’alia,
retórika, palestra, hanoin, liafuan mamuk sira iha kampaña maibé sira hatuur
duni iha sira-nia Konstituisaun no moos iha sira-nia lei oan sira hotu.
Ikus mai iha Declaração Universal dos Direitos Humanos iha artigu 1 hateten
katak “Todos os seres humanos nascem livres e iguais em dignidade e em
direitos…”. iha artigu 6 hateten katak “ Todos os indivíduos têm direito ao
reconhecimento em todos os lugares da sua personalidade jurídica”. Iha artigu 7
hateten katak “Todos são iguais perante a lei….”. Iha artigu 8 hateten katak “
Toda pessoa tem a recurso efetivo para as jurisdições nacionais competentes
contra os atos que violem os direitos fundamentais reconhecidos pela
Constituição ou pela lei.”. 10 hateten katak “Toda a pessoa tem direito, em
plena igualdade, a que a sua causa seja julgada equitativa e publicamente
julgada por um tribunal independente e imparcial que decida dos seus direitos e
obrigações…”
Iha Pacto Internacional sobre os Direitos Civis e Políticos iha artigu 14 moos
hateten katak “Todos são iguais perante os tribunais de justiça. Todas as
pessoas têm direito a que a sua causa seja ouvida equitativa e publicamente por
um tribunal competente, independente e imparcial, estabelecida pela lei, que
decidirá quer do bem fundado de qualquer acusação em matéria penal dirigida
contra elas, quer das contestações sobre os seus direitos e obrigações de
caracter civil ….” Iha artigu 26 hateten katak “Todas as pessoas são iguais
perante a lei e têm direito, sem discriminação, a igual protecção da lei……”.
Ita haree katak Instrumentu
Internasionál sira ba Direitus Umanus iha protesaun no garantia ba indivíduu
hotu-hotu ne’ebé iha nasionalidade ou lae tenke hetan tratamentu ne’ebé justu
ba sira-nia kazu. Iha Timor-Leste, no moos iha nasaun balu tan, povu ki’ik no
kiak sira moos bele iha asesu ba Tribunál lori defende sira-nia interese tanba
Estadu asegura atu iha direitu ba patrosíniu judisiáriu liuhosi Defensoria
Pública. Iha Timor-Leste direitu ba patrosíniu judisiáriu gratuitu hametin
liután iha Decreto-Lei n.º 38/2008 iha artigu 3 no 4.
Iha Ita-nia Konstituisaun iha artigu 1 hateten katak “A República Democrática
de Timor-Leste é um Estado de Direito Democrático….”. Iha artigu 16 númeru 1
hateten katak “ Todos os cidadãos são iguais perante a lei, gozam dos mesmos
direitos e estão sujeitos aos mesmos deveres”. Iha artigu 26 númeru 1 hateten
katak “ A todos é assegurado o acesso aos tribunais para a defesa dos seus
direitos e interesses legalmente protegidos”, no moos iha númeru 2 hateten
katak “ A justiça não pode ser denegada por insuficiência de meios económicos”.
No Tribunal sira, iha artigu 118 númeru 1 hateten katak “São orgãos de
soberania com competência para administrar a justiça em nome do povo”.
Iha kódigu penál moos iha artigu balu ne’ebé bele uza lori garante sidadaun ida
bele hetan justisa ne’ebé justu. Hanesan abuso do poder iha artigu 297 katak
funsionáriu la bele uza ninia funsaun ho intensaun lori hetan benefísiu
ilejítimu ou lori hamosu prejuizu ba ema seluk. Iha artigu 288 ne’ebé bandu atu
advogadu ou defensór públiku la bele prejudika kauza ne'ebé entrega ba nia. No
moos iha artigu 282 kona-ba denegasaun ba justisa. Ha'u fiar iha artigu sira
seluk no lei sira balu bele uza nu’udar dalan atu evita violasaun oioin ba povu
ki’ik no kiak sira ba asesu ba justisa.
Artigu sira-ne’ebé temi iha leten hatudu ona katak ukun na’in hosi estadu foun
Timor-Leste buka atu asegura sidadaun hotu-hotu hetan justisa ba sira-nia
problema liuhusi julgamentu iha Tribunál.
Infelizmente, iha sosiedade nia
laran, biar lei sira hakerek ho di’ak tebes iha Konstituisaun, Kódigu Penál,
Kódigu Prosesu Penál, Kódigu Sivíl ou Kódigu Prosesu Penál, leis ou
decreto-leis no ita-nia lei sira tuir artigu 9 hosi ita-nia Konstituisaun tenke
tuir lei internasionál sira ne’ebé maka ita aprova, ratifika ou adere ba maibé
kuandu ukun na’in sira la iha vontade di’ak lori halo tuir lei nia haruka, sei
uza sira-nia podér ne’ebé sira iha lori halo buat hotu tuir sira-nia hakarak
maka ita monu daudaun ba abuso do poder. Ha'u bele dehan abuso do poder haree
hosi processo jurídico-legal presiza atu prova iha Tribunál maibé prova ba
abuso do poder iha sosiedade maka populasaun sira lakon konfiansa ba justisa
estaduál, populasaun sira moos lakon sira-nia esperansa lori hetan justisa ba
sira-nia problema, moris iha sosiedade sei sabraut tanba ema idak-idak sei buka
dalan lori halo justisa rasik, povu la moris hakmatek tanba sei mosu grupu
ilegál sira ne’ebé halo asaun krime oioin ho sira-nia karreta ou motór ne'ebé
la iha númeru matríkula tuituir populasaun sira hanesan moos dalan ida lori
hata'uk populasaun sira, númeru krime sei mosu aas liután, família sei la
estavel, konfuzaun sei mosu oioin no estadu Timor-Leste rahun neineik ba
daudaun. Loron ida Timor-Leste sei hela de'it nu’udar mehi ida iha poeta
sira-nia poezia.
Iha kontestu Timor-Leste nian
bele sai nu’udar referénsia bainhira abuso do poder halo hosi ukun na'in sira
iha tempu portugés no moos iha tempu Indonézia lori haterus povu no lider
rezisténsia sira nu’udar matadalan ba Ukun Rasik An. Karik iha tempu ukun rasik
an sei akontese abuso do poder hosi ukun na'in sira lori haterus povu ki’ik no
kiak sira? Ha’u fiar katak ukun na'in ne’ebé uluk nu’udar funu na’in ne’ebé
hetan terus, hetan violasaun oioin ba ninia direitu no direitu povu Timor-Leste
nian sei la haluhan oinsá moruk tebes bainhira hetan terus no violasaun sira
ne’e hosi okupasaun ilegál Indonézia nian. Agora iha tempu ukun rasik an atu
aplika fali ba povu ki’ik no beran laek? Estraga fali sosiedade Timor-Leste
ne’ebé Ita-Boot sira mehi atu harii? Estado de Direito Democrático ne’ebé harii
ho terus no susar sira hotu? Oinsá ho Ita-Boot sira-nia mehi iha tempu rai
susar? Atu lori Timor-Leste ba ne’ebé? Pergunta hirak ne’e hanesan reflesaun
ida de’it maibé ha'u fiar metin, no fiar metin ba nafatin mezmu iha situasaun
krize nia laran, katak ukun na’in ne’ebé nu’udar asuwa'in no matadalan povu
Timor-Leste nian ba ukun rasik an sei halo buat hotu-hotu lori asegura katak
estadu Timor-Leste ne’ebé nu’udar sira-nia kosar been rasik moos sei harii ho
di’ak no atu sira-nia povu no emar sira hotu sei la hetan diskriminasaun, terus
no violasaun oioin ba sira-nia direitu no moris.
Asesu ba justisa ne’ebé justu
nu’udar kestaun prinsipál ida iha Estado de Direito Democrático. Tuir Larenz, “
a ideia de Estado de direito prende-se à exigência de que nele se observe um
“Direito justo”, sendo dever do Estado a criação e a execução do Direito”. Tuir
fali Ronnie Preuss Duarte afirma katak “Não se pode falar absolutamente, em Estado
democrático de direito sem que aos cidadãos seja garantida, em toda sua
plenitude, a possibilidade de, em igualdade de condições, socorrer-se dos
tribunais para a tutela das respectivas posições jurídicas subjetivas. Enkuantu
Gomes Canotilho hateten katak “ do princípio do Estado de direito deduz-se, sem
dúvida, a exigência de um procedimento justo e adequado de acesso ao direito e de
realização do direito”. Tanba ne’e maka atu hetan justisa ne’ebé maka
loos ita tenke liuhusi, tuir Ronnie Preuss Duarte, “um processo
substancialmente justo, à medida que o procedimento pode condicionar o
resultado”. Ou katak tenke liuhusi prosesu substansialmente justu, tanba
prosedimentu maka bele sai nu’udar kondisaun lori hetan rezultadu.
Ita bele iha esperansa atu hetan
justisa ne’ebé justu bainhira podér judisiáriu inklui moos komponente hotu
ne’ebé halo parte ba prosesu justisa estaduál tenke livre hosi influénsia no
interferénsia hosi podér polítiku. Iha-ne’e ha'u temi podér polítiku no ha'u la
temi podér ezekutivu ou lejizlativu hanesan John Locke nia hanoin atu tenke
hafahe tiha podér polítiku. No hetan moos influénsia ba Charles de Montesquieu
ne’ebé depois hamosu teoria separação dos poderes. Tuir Montesquieu katak podér
polítiku fahe ba tolu hanesan poder lejizlativu ne’ebé halo parte ba
Parlamentu, poder ezekutivu halo parte ba Governu no podér judisiáriu halo
parte ba Tribunál sira. Maibé podér polítiku sira teoricamente ita haree
hanesan hafahe duni sira, tuir matenek na’in sira dehan “Os três poderes deveriam
estar tão equilibrados que nenhum deles poderia interferir nos outros e
sobrepor-se a qualquer deles”, maibé iha realidade dalaruma sira sempre ligadu
hela ba malu. Ita bele tau fiar metin de’it ba podér judisáriu bainhira podér
judisáriu la iha duni interferénsia hosi podér polítiku rua seluk bainhira ita
hari’i sistema no instrumentu hotu ne’ebé di’ak lori garante duni independénsia
totál podér judisiáriu nian. Problema iha maka hanesan iha, podér ezekutivu,
nu’udar governu, hanesan rezultadu mai hosi podér lejizlativu, nu’udar
parlamentu. Katak iha Timor-Leste, ou nasaun balu sira seluk moos, formasaun
governu (podér ezekutivu) liuhusi eleisaun lejizlativa. Katak tuir partidu
ne’ebé iha votos barak liu iha Parlamentu Nasionál (podér lejizlativu) ou aliansa
hosi partidu sira iha Parlamentu Nasionál (podér lejizlativu) ne’ebé hetan
votos barak liu maka bele forma governu (podér ezekutivu). Ho nune’e ligasaun
entre podér ezekutivu (governu) ho podér lejizlativu (parlamentu) metin tebes.
Porezemplu Partidu A maka kaer ukun. Entaun lojikamente, ba interese lori kaer
ukun, deputadu sira hosi partidu A iha Parlamentu Nasionál, sei halo lei ne'ebé
favorese ba sira-nia interese. Lei ne’ebé kontra sira-nia interese sira trava,
rai hela iha gaveta lai ho razaun oioin ou bele moos sira sei vota kontra lori
halakon tiha lei ne’e. Bainhira governu halo decreto-lei ruma sei pasa iha
Parlamentu Nasionál tanba ne’e com certeza refleta sira-nia interese.
Se iha órgaun soberania Estadu
nian ne’ebé diferente, Governu no Parlamentu Nasionál, no idak-idak,
teorikamente, independente sei iha influénsia metin ba malu oinsá maka ita bele
iha konfiansa katak Defensoria Publica ne’ebé halo parte nu’udar komponente ida
hosi órgaun ezekutivu nian bele la iha influénsia hosi podér polítiku? Bainhira
povu ki'ik hasoru problema ruma ligadu ho ema sira-ne’ebé besik ba ukun ou
sira-ne’ebé kaer ukun sei hasoru obstákulu oioin atu lori hetan tratamentu
justu iha prosesu ne’ebé justu no adekuadu no prosedimentu ne’ebé di’ak lori
hetan rezultadu ne’ebé di’ak tuir povu ki'ik nia interese, la’ós tuir Defensór
Titulár nu’udar mandatáriu nia interese fali ou ema lubun balu sira-nia
interese fali. Se lae povu ki’ik sira bele husu estadu halo gastu ba orsamentu
sira atu Defensór Públiku sira lori halo serbisu ba an rasik? Ba família sira?
Ba belun sira? Ou ba povu ki'ik sira ne’ebé buka justisa? Tanba ne’e buat
ne’ebé presiza halo entre Defensór Titulár ho populasaun ne’ebé buka justisa
maka halo ajenda no komunikasaun ba malu atu la hamosu dezentendimentu,
preokupasaun hosi parte populasaun ne’ebé la hatene lei bele hetan esplikasaun
ruma ba sira-nia presiza.
Iha-ne’e ha’u hanoin moos atu
karik, iha futuru, Defensoria Publica bele sai nu’udar órgaun independente
ida-ne’ebé la submete ba órgaun ezekutivu lori asegura ninia serbisu lori
fornese patrosíniu judisiáriu gratuitu ba povu ki'ik no kiak sira maibé moos
iha independénsia totál. Bainhira sei submete ba órgaun ezekutivu ita seidauk
bele iha konfiansa ba ninia serbisu. Ita presiza moos iha mecanismo de controlo
ne’ebé maka di’ak ba sira-nia serbisu. Iha-ne’e ha’u-nia intensaun no ha’u-nia
mehi lori harii Estado de Direito Democrático ida-ne’ebé bele asegura ho di’ak
no loos ba povu tomak hetan tratamentu ba prosedimentu justu no adekuadu ba
asesu ba justisa estaduál. Ha'u ko'alia ba povu tomak katak ba povu ida tempu
agora nian ou ba povu sira iha tempu oin mai; jerasaun foun sira no povu
Timor-Leste nian tomak. La haree ba suku, rasa, kór, relijiaun, etc.
Buat ne’ebé ha’u ko’alia kona-ba
asesu ba justisa ha’u rasik moos hasoru hela problema boot ida. Ha’u iha
problema ida ho ha’u-nia feen lejítimu Zélia do Rego dos Santos, ha'u temi
lejítimu hosi pontudevista Igreja Católica nian tanba ami rua simu Sacramento
Matrimónio (ha’u deklara loloos katak ha’u-nia kazamentu ho Zélia do Rego dos
Santos konsumadu. Se iha ema ruma ko’alia kontrariu favor lori ha’u ba Tribunál
atu ita bele prova loloos. Lalika ko’alia hafoer de’it ema seluk nia naran)
no lejítimu moos hosi pontudevista Estadu nian tanba ha'u trata no lori
hetan Certidão de Casamento hosi Registo e Notariado Distrito de Díli nian,
Zélia do Rego dos Santos, funsionária tradutora iha Ministério da Justisa no
ha’u-nia belun eskola tinan tolu ou haat nia laran bainhira ami eskola hamutuk
iha departamentu ida de’it iha UNTL. Bainhira mosu kazu familiár ida ha'u ho
ha'u-nia família sira rezolve tiha ona ho ninia família sira maibé ha'u husu
nia atu fila mai uma nia lakohi. Ikus mai bainhira ami hasoru malu iha Largo
Lecidere nia ko’alia asuntu delikadu ida-ne’ebé hamosu ha'u-nia deskonfiansa
maibé iha momentu ne’ebá ha'u hein tebes atu nia sadik ha'u lori bertanggung
jawab. Se nia sadik karik ha'u entaun ha'u sei ko'us tiha nia tanba buat ne'ebé
nia dehan mai ha'u hanesan notísia di’ak ida ne’ebé durante ne’e ha'u mehi atu
hetan. Infelizmente nia la sadik ha’u. Ha'u tenta komprende ninia situasaun iha
momentu ne’ebá. No ha'u sempre buka atu komprende nia to'o momentu agora. Ha’u
moos ho laran moos tomak perdua nia ba kestaun ne’e. Tanba ha’u hadomi tebes nia
no hakarak harii família ne’ebé metin. Ohin se nia hakarak fila mai hau simu
nia ho perdaun tomak no ho domin tomak. Nu’udar kaben Igreja ha’u lakohi haree
ba kotuk. Ha’u hakarak haree ba oin. Tanba iha problema sira hanesan ne’e
bainhira ita haree ba kotuk sei la rezolve problema ida. Perdaun hanesan dalan
di’ak liu ba salvasaun kazamentu tanba tuir doutrina Igreja katolika nian
kazamentu konsumadu la bele hafahe no salvasaun kazamentu rasik tenke mai hosi
hakarak di’ak (boa fe) hosi parte rua fen-laen hotu. La bele mai de’it hosi
parte ida. Aat liutan maka parte terseira ninia envovolvimentu sempre lori
harahun de’it ema nia kazamentu. Parte terseira hanesan demoniu satanas estraga
Jesus hanorin. Karik terseira parte la konsiente ba kestaun ne’e. Sinte di’ak
hela,la iha laran, la iha fuan, lori iha hanoin iha laran uitoan ba importansia
unidade familia fen-laen nian. Terseira parte bele asume ninia responsabilidade
ho di’ak tebes bainhira nia iha laran katak relasaun sira nian ne’e sala no
arrepende ba sala fila salva ema nia kazamentu. La iha ema maka perfeitu iha
mundu ne’e. Ita buka ema moos iha moris ne’e ita sei la hetan. Mezmu
batina mutin ou lae, kiak ou riku, boot ou ki’ik, metan ou mutin. Hotu-hotu
nu’udar ema maksalak. Sala boot ou sala ki’ik hotu-hotu sala na’in. Mezmu
nune’e iha diferensa ida maka ema di’ak maka ema halo sala no arrepende ba sala
no sai hosi sala lori salva kazamentu. Ema la di’ak halo sala, la hatene
sala, hanoin an loos nafatin lori kontinua halo sala. Moris iha sala nia laran.
Iha momentu ne'ebá, ha'u husu nia
fila ba uma mas nia lakohi. To’o agora ha'u la hatene nia iha ne'ebé. Bainhira
ami kaben nia iha hanoin atu hetan karik formasaun ba kazál atu kontaktu de’it
Madre Lourdes, Canossiana, karik Padre Agostinho Soares nia feton, ami rua nia
kolega eskola. Ikus mai ha’u moos lee liafuan furak de’it hosi Padre Agostinho
Soares, SDB ne’ebé hakerek kona-ba família iha jornál. Hosi hakerek sira-ne’e
ha’u akompaña lee no ha’u bele foti konkluzaun katak Padre Agostinho Soares,
SDB iha koñesimentu di’ak no interese ne’ebé di’ak tebes lori defende família
katóliku ne’ebé di’ak. Ha’u fiar katak liafuan ne’ebé Padre Agostinho Soares,
SDB hakerek hanesan moos formasaun ida-ne’ebé Padre Agostinho Soares, SDB fahe
ba sarani sira hotu liuhusi média komunikasaun no ha’u rasik moos hetan
koñesimentu balu hosi Padre Agostinho Soares, SDB nia hakerek ne’e. Ha’u moos
fiar se Padre Agostinho Soares, SDB fó hanoin di’ak oinsá harii família
katóliku di’ak ida ba sarani hotu pasti Padre Agostinho Soares, SDB sei kontra
sé sé de'it maka estraga ema seluk nia família tanba ha'u fiar Padre Agostinho
Soares, SDB mai hosi família katóliku ida-ne’ebé valoriza tebes kazamentu
katóliku no sei defende ema hotu sira-nia família ne'ebé harii iha Sacramento
Matrimónio nia laran la'ós kumpul-kebo de'it buat ne'ebé nu'udar Na'i-Lulik
kontra maka'as.
Atu rezolve ha’u-nia problema ho
ha’u-nia feen Zélia do Rego dos Santos ha'u hatama pedidu ida ba Defensoria
Publica lori husu atu Defensoria Publica bele ajuda lori halo mediasaun iha
loron 24 de Junho de 2015. Ha'u-nia Defensór Titulár moos halo karta xamada ida
mai ha’u atu marka prezensa iha Defensoria Publica iha loron segunda-feira, 05
de Outubro de 2015. Infelizmente ha'u bá Defensoria Publica iha data refere
maibé ha’u-nia Defensór Titulár dehan mai ha’u katak Zélia do Rego dos Santos
nia inan dehan katak nia fila tiha ona ba Portugál. Iha loron 27 de Outubro de
2015 ha'u moos hatama draft proposta ida ba Defensoria Responsável Distrito de
Dili lori rezolve ha’u-nia problema ho ha’u-nia feen Zélia do Rego dos Santos.
Iha loron hanesan ha’u moos hatama Pedido Divorcio Litigioso ba ha’u-nia feen
Zélia do Rego dos Santos. Iha loron 14 de Outubro de 2015 ha'u moos hatama
pedidu ida ba Presidente da Comissão da Função Publica lori husu atu Presidente
da Comissão da Função Publica bele haruka funcinonária Zélia do Rego dos Santos
ba Defensoria Publica atu ami bele rezolve problema. Ha'u hanoin buat ne’e ha’u-nia
Defensór Titulár bele halo karik. Ha'u-nia Defensór Titulár karik bele haruka
karta ida ba Presidente da Comissão da Função Pública ou ba ha’u-nia feen nia
superior hirarquico lori bolu nia marka prezensa ba Defensoria Pública lori
rezolve ami-nia problema. Infelizmente ha'u-nia Defensór Titulár la halo.
Depois ha'u moos hatama pedidu hanesan ba Presidente da Comissão da Função
Publica iha loron 28 de Outubro de 2015 maibé infelizmente pedidu sira-ne’e la
hetan resposta hosi Presidente da Comissão da Função Publica. Ha’u hanoin karik
Comissão da Função Pública la iha interese ho kazu feen-la’en nian entaun,
mezmu ha’u hatama karta protesta ida, maibé ikus mai ha’u tenke simu katak
Presidente da Comissão da Função Pública la bele kolabora ho ha’u lori rezolve
ha’u-nia problema. Ha’u moos nonook de’it ona.
Depois ikus mai ha’u hasoru malu
no ko’alia diretamente ho Defensor Publico Geral iha ninia Gabinete, Defensor
Publico Geral ko’alia liafuan mesak di’ak de’it. Liafuan enkorajamentu nian.
Defensor Publico Geral dehan mai ha'u atu la bele ansi no fó lai tempu ba Zélia
do Rego dos Santos. Ha’u moos halo tuir Defensor Publico Geral nia liafuan no
iha loron 4 de Novembro de 2015 ha'u moos hatama karta ida ba Defensor Publico
Geral lori kansela ha’u-nia pedido divorcio litigioso ne’ebé ha’u hatama iha
loron 27 de Outubro de 2015 lori fó tempu ba Zélia do Rego dos Santos. Iha
loron 1 de Setembro de 2015 ha'u moos halo deklarasaun kompromisu ida no ha'u
hatama ba Chefe Procurador Distrital de Dili.
Ha'u-nia família balu ba hasoru
malu ho Zélia do Rego dos Santos nia Maun-Boot lori buka rezolve ami nia
problema. Zélia do Rego dos Santos nia Maun-Boot dehan katak Zélia fila ona ba
Portugál ita la bele halo buat ida no bainhira nia fila mai maka ita rezolve
problema. Ikus mai hau rona maluk balu dehan katak Zélia fila ona hosi
Portugál. Entaun ha'u hanoin di'ak liu ami rua fahe malu maibé ha'u lakohi
divorcio mutua consentimento tanba ha'u hakarak divorcio litigioso tanba nia
abandona ha'u no ha'u la hatene nia agora iha-ne'ebé. Ho nune’e ha'u hatama
pedido divorcio litigioso ba ha'u-nia feen Zélia do Rego dos Santos iha loron 4
de Outubro de 2016 lori husu moos atu Defensoria Publica bele halo mediasaun.
Maibé la iha rezultadu, Defensoria Publica la halo mediasaun. La haruka moos
karta xamada ruma mai ha'u. Ho nune'e ha'u hanoin karik Zélia do Rego dos
Santos lakohi ona ha'u no atu habadak ami nia problema entaun di'ak liu ha'u
hatama pedido divorcio litigioso iha loron 25 de Novembro de 2016 no ha'u
deklara lakohi tan ona mediasaun. Ha'u hatama pedidu ne’e ba ha'u-nia Defensór
Titulár. Felizmente pedidu ne’ebé ha'u hatama iha loron 25 de Novembro de 2016
ba ha'u-nia Defensór Titulár iha parte númeru 6 ha'u fó-hatene moos ba ha'u-nia
Defensór Titulár katak ha'u rekoñese no respeita Zélia do Rego dos Santos nia
liberdade lori halo moris tuir nia hakarak no lori hola mane seluk. Bainhira
ha’u hakerek hanesan ne’e tanba ha’u hanoin ha'u sei moe la iha bainhira obriga
feto ida moris hamutuk ho ha'u. Maibé atu proteje de'it ha'u-nia direitu
nu’udar la'en lejítimu hosi pontu de vista Código Civil Timor-Leste nian entaun
ha'u husu atu ha'u-nia Defensór Titulár nu'udar ha'u-nia mandatáriu lori
ha'u-nia kazu pedidu divorcio litigioso ba Tribunál no lori anula moos
kazamentu Zélia do Rego dos Santos bainhira ha’u-nia fen Zélia do Rego dos
Santos halo hikas kazamentu foun. Tanba bainhira Tribunál seidauk disolve ami
rua nia kazamentu, ami rua idak-idak la bele halo kazamentu foun, tuir Kódigu
Sivil Timor-Leste nian iha artigu 1490 kona-ba Impedimentos dirimentes
absolutos número 3 dehan katak “O casamento anterior não dissolvido, católico
ou civil, ou barlaqueado monogâmico, ainda que o respectivo assento não tenha
sido lavrado no registo do estado civil. No ha'u nu’udar la'en iha direitu
tomak lori husu ba ha'u-nia mandatáriu lori hatama pedido anulação ba Tribunál
bainhira ha'u-nia feen Zélia do Rego dos Santos halo hikas kazamentu foun ne’e
apenas lori salva ha'u-nia interese nu’udar la'en no lori halo tuir Kódigu
Sivíl Timor-Leste nian ne’ebé maka rekoñese de’it kazamentu monogámiku.
Bainhira Tribunál disolve ona ami rua nia kazamentu maka ami rua idak-idak buka
idak-idak nia dalan rasik ona. Oinsá moos ita moris iha Estado de Direito ida
nia laran no tuir loloos sidadaun hotu-hotu presiza halo tuir lei ne’ebé maka
vigora. Tanba ne’e atu haforsa liután ha'u-nia pedidu 25 de Novembro de 2016
nian entaun iha loron 29 de Novembro de 2016 ha'u hatama tan deklarasaun ida ba
ha’u-nia Defensór Titulár lori husu atu Defensór Titulár anula se karik Zélia
do Rego dos Santos halo hikas kazamentu foun. Ha’u hakerek hanesan ne’e ba
ha’u-nia Defensór Titulár ho hanoin katak Defensór Titulár nu’udar ha’u-nia
mandatáriu no kuandu hatama ha’u-nia pedido divorcio litigioso hatama moos
kestaun ida maka anulasaun tuir ha’u-nia pedidu ba ha’u-nia Defensór Titulár,
se karik ha’u-nia feen Zélia do Rego dos Santos halo hikas karik kazamentu
foun. Iha deklarasaun ne’e moos ha’u deklara katak ha'u respeitu liberdade
ha'u-nia feen nian lori halo kazamentu foun maibé nu’udar sidadaun ita hotu
tenke respeita liu lei ne’ebé maka vigora. Maibé ha’u sei la autoriza no nunka
sei autoriza atu ha’u-nia feen halo hikas kazamentu foun bainhira Tribunál
seidauk disolve ami-nia kazamentu. Atu hametin liután ha’u-nia interese entaun
iha loron 2 de Dezembro de 2016 ha’u moos hakerek tan karta ida ba ha’u-nia
Defensór Titulár lori husu atu Tribunál anula se ha’u-nia feen halo hikas
kazamentu foun.
Iha loron 30 de Novembro de 2016
ha'u moos hatama deklarasaun ida ba Director Registo e Notariado Nacional de
Timor-Leste lori husu atu la bele autoriza Zélia do Rego dos Santos halo fali
kazamentu foun bainhira Tribunál seidauk disolve ami rua nia kazamentu. Ha'u
deklara moos iha karta ne’e (no moos iha karta sira seluk ne’ebé ha'u hatama ba
Defensoria Publica no moos ba Diocese de Dili no moos ba Sua Excelencia Amu
Bispo Dom Carlos Filipe Ximenes Belo no Sua Excelência Amu Bispo Dom Basílio de
Nascimento) katak ha'u ho ha'u-nia feen Zélia do Rego dos Santos ami rua nia
kazamentu konsumadu. Ha’u rona boatos dehan fali katak Zélia do Rego dos Santos
“dipaksa” kaben ho ha’u. Iha-ne’e ha'u deklara ho konxiénsia tomak katak ha'u
ho ha'u-nia feen Zélia do Rego dos Santos ami rua nia kazamentu konsumadu no
bainhira ami rua sei namora ami rua iha ona kompromisu ba malu lori harii
família di’ak ida. Zélia do Rego dos Santos harohan iha Fátima atu ami rua nia
família tuir família Nazaré nian. Nia moos husu ha’u atu halo promessa fiel ba
nia iha ami rua nia moris tomak nu’udar feen-la’en. Orasaun ne’e ha’u rai to’o
agora no ha’u fó moos ba responsável Igreja Católica nian balu. Dezde kedas iha
Portugál ami rua moris nu’udar feen-la’en tiha ona. Ami rua ema adultu halo
kazamentu ho konxiénsia no responsabilidade tomak no ha'u rasik moos hadomi
tebes nia. To’o agora ha'u sei fiel ba ha'u-nia feen lori halo tuir ha'u-nia
juramentu atu fiel ba feen iha tempu di'ak no tempu aat nia laran. Juramentu
ne’ebé ha'u halo ne’e ha'u halo ho konxiénsia tomak. Biar ha'u-nia feen fila
hikas karik mai ha'u ba oin ha'u sei nunka trai ha'u-nia feen. Tanba hanesan
ha'u sempre dehan ha'u hadomi ha'u-nia feen ho laran no neón tomak. Ba ha'u sé
karik ha’u iha oan ho Zélia do Rego dos Santos entaun ha’u prontu asume
ha’u-nia responsabilidade paternál. Ha’u moos hasoru malu ho Pe. José António
no ko’alia kona-ba Papa Francisco nia hanoin kona-ba divórsiu. Pe. José António
dehan katak Amu Papa nunka dehan bele fó divórsiu ba feen-la’en sira. Tanba
Jesus dehan buat ne’ebé Maromak tau hamutuk buat ida la bele hafahe. Pe. José António
moos ko’alia kona-ba Tribunál Igreja nia prosedimentu no ha’u moos hakarak
tebes atu Tribunál Igreja nian bele halo moos julgamentu ba ha’u ho ha’u-nia
feen Zélia do Rego dos Santos ami rua nia kazu. Infelizmente Igreja Katolika la
bele halo buat ida. Igreja Katolika la iha “kbiit” atu bolu ha’u-nia fen lori
rezolve problema. Iha parte seluk ha’u moos kompreende katak fen-laen idak-idak
iha ninia konxiénsia rasik kona-ba kazamentu ne’e importante ka lae. Idak-idak
iha ninia konxiénsia rasik no la iha ema ida maka bele muda ema seluk ninia
konxiénsia. Parte ida bele halo buat hotu, tuir lei estadu no doutrina Igreja
Katolika haruka, mezmu nune’e la vale buat ida se parte seluk la kolabora, se
parte seluk lakohi, se parte seluk la sinte tau importansia ba kazamentu.
Dalaruma parte seluk buka maka akuza de’it lori hatun malu de’it. Agora ita
husu ba ita an, ba ita-nia parte, iha problema kazamentu nia laran saida maka
ita halo lori kontribui salva kazamentu? Iha ha’u-nia kazu tinan besik tolu
(falta de’it fulan ida atu tinan tolu) ona ha’u buka dalan rezolve familia,
rezolve iha estadu (Defensoria Publika), rezolve iha Igreja Katolika (Dioseze
Dili) lori buka salva ha’u-nia kazamentu la iha rezultadu. Iha loron 20 fulan
Janeiru 2018 Maun Di (ha’u-nia fen nia Maun) ho ninia ferikoan Mana Helmi hetan
ha’u iha dalan no sira para (Maun Di maka kaer karreta) kareta no Mana Helmi
bolu ha’u no ha’u moos ba hakbesik sira no ami kumprimenta malu no Maun Di
dehan mai ha’u, “Hercus, Zelia ne’e ó nia fen. Imi kaben Igreja ona. Zelia ne’e
ónia fen. Ita familia ona. Ó maka la ba uma (ha’u simu ho nonook de’it tanba
tuir loloos ha’u no moos ha’u ho ha’u-nia familia sira ba buka rezolve problema
iha sira-nia uma mas sira la atende ami ho di’ak. Ha’u haluhan tiha ona ha’u ba
sira-nia uma dala hira. Mas lebih dari satu kali). Ha’u haksolok tebes ho
liafuan Maun Di nian ne’e. Tanba liafuan hosi Maun ida pasti iha todan. Ha’u
haree hanesan iha luz no fim do tunel. Ha’u haree hanesan iha esperansa atu
salva ha’u-nia kazamentu. Infelizmente iha loron sabadu ha’u ba Zelia nia
familia nia uma iha Santa Cruz, Maun Di la marka prezensa. La iha Zelia nia
maun ida. Nia inan de’it maka iha. Infelizmente ha’u tenke fila ba uma la iha
solusaun di’ak ida. Mezmu nune’e ha’u sei halo esforsu nafatin lori salva
ha’u-nia kazamentu.
Ha’u moos fiar katak familia ne’e
importante tebes atu proteje. Tanba ita nu’udar kristaun ita fiar ba Jesus
Cristo signifika katak ita tenke halo tuir Jesus Cristo hanorin. Mezmu nune’e
ha’u atu dehan lerek saida se la iha hakarak salvasaun ba kazamentu hosi parte
fen nian. Afinal ha’u-nia kazamentu ho ha’u-nia fen ne’e atu lori halo tuir fen
ho ninia familia sira-nia hakarak. Tanba sira ejije ha’u-nia responsabilidade
no ha’u moos prontu tiha ona atu harii familia ho ha’u-nia fen tuir juramentu
ha’u halo iha Fatima lori halo tuir moos ha’u-nia fen ninia hakarak. Mezmu iha
momentu neba iha hela triste nia laran hosi parte familia fen nian. Sira
hakarak no ejije kaben kedas mezmu iha lutu laran hela. Buat lubuk ha’u presiza
ba kazamentu fen maka hola hotu. No agora ema dehan fali fen la gosta ha’u? Fen
la hadomi ha’u? Ha’u nunka fiar uitoan. Mundu hotu bele hakilar fen la hadomi
ona hau mas ha’u la fiar! Iha parte seluk ha’u buka nafatin defende Sakramentu
Matrimoniu nu’udar sarani atu lori buka fo ezemplu ba fen-laen sira seluk atu
defende Sakramentu Matrimoniu tuir ita ita-nia bele. Naran katak la bele halo
violensia. Defende ho di’ak no edukadu lori kontribui ba familia seluk nia
di’ak maka dalan ida maka hakerek lori inspira ba ema seluk nia di’ak bazeia ba
ita-nia realidade loloos mezmu moruk mas ita buka nafatin halo tuir Jesus
hanorin lori buka hametin ita-nia familia, ita-nia kazamentu. Hanesan Bispu Dom
Virgilio do Carmo da Silva hateten katak, “ Realidade iha sosiedade hatudu
katak ita nia amizade, belun, kolegas, amigo no amigas naksobu, tanba ita la
koko atu lori Kristu nia sadia, Kristu nia laran diak no laran luak ba ita
ida-idak nia laran no fuan. Dala barak ho ita nia arogansia, odio no vingansa
halo naksobu ita nia familia, tanba falta laran sadia atu perdua no sadia malu.
Sekarik iha ita nia familia laran mak Kristu nia Miserikordia sai duni xave,
sucesso ba familia no familia sai fatin domin no dame nian”. Hosi ha’u-nia
parte ha’u buat hotu tuir lei haruka no doutrina Jesus Cristo hanorin lori buka
salva ha’u-nia kazamentu. Ha’u moos fiar katak fen-laen hadomi malu tebes sei
buka kolabora malu lori rezolve problema ho di’ak. Parte ida maka hakiduk no
nonook de’it lori husik (abandona) hela parte seluk parte ne’e sinte hanesan la
folin liu. Ida-ne’e la bele. Ha’u hadomi tebes ha’u-nia fen no ha’u prontu
perdua nia naran katak salva kazamentu nu’udar ita sarani katoliku doutrina
hanorin no juramentu ita halo iha Sakramentu Matrimoniu. Fen ne’e Maromak halo
lori sai saseluk ba laen hanesan hanorin iha Jenesis. Furak tebes hakerek iha
parte Livro do Eclesiástico Cap, 26:1-4.16-20 hanesan tuir mai, “ 1. Feliz o
homem que tem uma boa mulher, pois, se duplicará o número de seus anos. 2. A
mulher forte faz a alegria de seu marido, e derramará paz nos anos de sua vida.
3. É um bom quinhão uma mulher bondosa; no quinhão daqueles que temem a Deus,
ela será dada a um homem pelas suas boas ações. 4. Rico ou pobre, (o seu
marido) tem o coração satisfeito, e seu rosto reflete alegria em todo o tempo.
16. A graça de uma mulher cuidadosa rejubila seu marido, 17. e seu bom
comportamento revigora os ossos. 18. É um dom de Deus uma mulher sensata e
silenciosa, e nada se compara a uma mulher bem-educada. 19. A mulher santa e
honesta é uma graça inestimável; 20. não há peso para pesar o valor de uma alma
casta.
Iha parte seluk ha’u dalaruma
hanoin, sé maka iha “atrás do palco” lori influénsia estraga ha’u-nia
kazamentu? Ha’u nu’udar ema beik, fraku no beran laek ha’u la hatene. Ha’u fiar
Maromak hatene! Ha’u hanoin karik ami hotu tama ba situasaun komplikadu ida.
Atu fó sala ba ema ida? Lae no nunka! Ha’u lakohi fó sala ba ema ida tanba fó
sala ba ema ida la rezolve situasaun ida. Ha’u-nia intensaun apenas lori hatudu
de’it situasaun ne’ebé ha’u hasoru lori buka rezolve ha’u-nia problema ho
ha’u-nia feen Zélia do Rego dos Santos komplikadu tebes no lori kontribui
hanoin balu lori hadi’a sistema ne’ebé di’ak atu povu hotu-hotu, ki’ik, kiak no
lee la hatene bele hetan asesu ba justisa ho di’ak ho mekanizmu ne’ebé di’ak no
kontroladu. Ba ha’u-nia kazu importante liu, importante liu no ha’u afirma lori
hakerek tan dala ida importante liu mai ha’u maka oinsá maka ami bele sai hosi
situasaun komplikadu ne’e lori halo tuir lei ne’ebé maka vigora. Ha’u dalaruma
hanoin se maka bele tulun ajuda ami sai hosi situasaun komplikadu ne’e? Karik
iha maluk balu bele tulun ajuda ami sai hosi situasaun komplikadu ne’e, ha’u
agradese tebes. Atu ami hotu la bele fó terus ba malu. Ha’u deklara ho loloos
bele oinsá moos Zélia do Rego dos Santos ha’u-nia feen no to’o agora ha’u sei
fiel nafatin ba nia. Ha’u prontu atu perdua nia lori salva ami nia kazamentu.
Importante maka ita hotu halo tuir de’it lei estadu nian haruka. Se nia hakarak
fila mai ha’u nia hatene ha’u hadomi tebes nia no ha’u prontu simu nia sem
questiona buat hotu ne’ebé liu. Tanba la vale buat ida ita kestiona buat ne’ebé
liu. Atu di’ak ou la di’ak buat ne’ebé liu tiha ona ita sei nunka bele fila ba
kotuk lori hadi’a maibé ita sei bele hadi’a ba oin. Atu ami hadi’a família
ne’ebé ami rua mehi lori hari’i. Karik la bele entaun se ami la bele halo tuir
juramentu iha Sacramento Matrimónia iha Igreja Católica nian entaun pelumenus
ami tenke la’o tuir lei Estadu nian. Importante, importante liu nu’udar sarani
maka perdaun lori salva kazamentu lori harii familia di’ak ida kontribui ba
estadu no ba Igreja nia di’ak. Ita bele sai ezemplu ba ema seluk iha momentu
esperansa ba familia di’ak komesa rahun tanba arogansia ema nian no demoniu nia
bosok iha ita-nia matan no iha ita-nia hanoin. Hanesan Bispu Dom Basilio de
Nascimento dehan katak buat ida moris hamutuk dalan ida atu hola malu hanesan
sarani atu sai santu. Tuir Bispu Basilio hateten liután katak fen-laen sira
tenke iha responsabilidade ba malu tanba laen la ba lalehan ferik oan sei hatan
iha Maromak nia oin, ferik oan la ba lalehan katuas oan sei hatan iha Maromak
nia oin. Tanba ne’e maka ita hotu nu’udar sarani presiza salva kazamentu. Se
ita halo sala ruma karik keta tauk perdaun sempre iha bainhira ita hakribi
ita-nia sala fila hikas ba dalan loos maka Jesus Cristo hanorin. Amu Bispu
Basilio fo-hanoin ba ita kaben nain sira hotu, “Tanba ida nee vokasaun,
obrigasaun no knar ne’ebé Maromak haraik ba ita boot sira kaben nain sira liu
hosi ita boot sira nia promesa, liu hosi ita boot sira nia juramentu no liu
hosi ita boot sira nia moris hamutuk”.
Tuir loloos buat sira-ne’e ha'u
la ko’alia iha-ne’e bainhira Defensoria Publica hatama ona ha'u-nia kazu ba
Tribunál. Infelizmente ha'u-nia pedido divórcio litigioso seidauk hatama hela
de'it ba Tribunál. Ha'u moos sei la hakerek iha-ne’e bainhira ha’u-nia feen
Zélia do Rego dos Santos hatán ha'u-nia email atu ami rua buka oinsá rezolve
ami rua nia problema. Ha'u hanesan la iha dalan atu rezolve ha'u-nia problema ho
ha'u-nia feen Zélia do Rego dos Santos. Agora ha'u karik hanesan hetan
“impedimentu” balu no ha'u iha hela situasaun ne’ebé dilemátika nia laran.
Imajina se ha’u monu karik ba feto seluk, entaun ha’u sei monu iha situasaun
kompleksu nia laran. Zélia do Rego dos Santos sei fó sala mai ha’u no ha’u sei
hasoru konfuzaun ha’u sei hili feto ida foun ne’e ka ha’u sei fila ba Zélia do
Rego dos Santos. Se ha’u hili fila ba Zélia do Rego dos Santos entaun ha’u
estraga feto foun ne’e ninia moris no pasti ha’u sei hasoru problema família no
maluk hosi feto foun ne’e. Tanba ne’e maka ha’u tenta hela oinsá maka ha'u bele
rezolve lalais ha'u-nia problema ho Zélia do Rego dos Santos. Ha'u espera katak
ha'u-nia kazu Defensoria Publica bele hatama ona ba Tribunál atu nune’e hakotu
ona ha'u-nia problema ne’e no ha'u bele konsentra fali ba buat seluk. Karik ba
eskola fali ou ba buka serbisu. Ou se lae, pelumenus, no mínimo, Defensór
Titulár dehan netik mai ha’u bainhira maka hatama ha’u-nia kazu ne’e ba
Tribunál atu ha’u bele hatene no la hamosu preokupasaun mai ha’u tanba ha’u
hatene iha data refere ha’u-nia kazu tama ona ba Tribunál entaun ha’u bele
hakmatek. Tanba rai hela ha’u iha situasaun inserteza nia laran maka ha’u tenke
levanta kazu foun tan. Ema la bele taka dalan asesu ba justisa estadu nian.
Ida-ne’e povu tenke hatene!
Tuir loloos moos ha’u lakohi
divorsiu maibe se ha’u nonook hela moos hanesan de’it fen husik hela ha’u. Se
husik ha’u nonook lori dehan katak tanba ha’u moos nonook signifika ha’u moos
hakarak divorsiu lori nakfilak sai divorsiu mutua konsentimentu entaun ha’u
lakohi tanba ne’e ita la hatene kauza no hun hosi problema divorsiu ne’e saida.
Ita hotu la hatene. Aat liu maka depois ema hafoer ita nia naran. Hamoe ita
rahun di’ak-di’ak tanba parte ida ba bosok tun bosok sa’e. Tanba ne’e ha’u
terpaksa hatama divorcio litigioso tanba ha’u hakarak hatene husik ha’u tanba
saida? Fen-laen iha direitu no liberdade (tuir lei estadu hatur) atu husik
malu. Naran katak tenke dehan lai husik tanbasá? Iha liur se maka ko’alia barak
no pengaruh boot nia maka manan. Aat liutan maka kazu fen-laen nian fen ko’alia
dalabarak liu ema fiar liu tanba ema sempre hanoin mane de’it maka sala, maka
de’it maka la di’ak. Agora iha Tribunál se maka iha razaun maka ko’alia.
Ha’u dala barak lee iha Timor
Post, Suara Timor Lorosa’e no Independente iha notisia barak tebes kazu
fen-laen tama Tribunal. Iha kazu balu tanba selingkuh. Infelizmente iha ita-nia
Estadu ida-ne’e la iha lei ida maka penaliza buat ida selingkuh ne’e. La iha
lei ida maka penaliza bigamia. La iha lei ida maka penaliza kumpul-kebo. Se ita
haree di’aik-di’ak problema selingkuh ne’e sai hun hosi problema sira seluk. Ita
hatene lei uitoan se ita haree ita-nia konjuge selingkuh paling ita laran
moras, ita tanis, ita triste (tanba ita ema) no ita la bele halo tan buat ida.
Tanba ita lakohi atu halo krime. Dalabarak ha’u lee no rona iha notisia
fen-laen tama Tribunál tanba ninia hun maka selingkuh. Infelizmente selingkuh
la sai problema. Sai problema maka violénsia. Laen baku fen ou fen baku laen.
Laen oho fen ou fen oho laen. Lei la iha lori regula kona-ba selingkuh. Afinál
selingkuh ne’e kauza problema krime no sosiál sira seluk no estadu la tau fali
iha importansia? Ne’e hanesan loloos saida maka ha’u-nia Profesora Joana Aguiar
E Silva konta, loron ida iha sala laran, katak Istoriador boot ida hakarak
hakerek kona-ba Istoria Universál. Hosi ninia sala nia haree sai ba liur hosi
janela, ba prasa, nia haree asu rua tata malu no halo asu-na’in haksesuk malu,
istoria malu no jere problema boot iha sidade laran. Bainhira husu kona-ba
problema ninia hun tanbasá sira baku malu la iha ema ida maka dehan katak hun
hosi problema maka asu tata malu. Ne’e katak sa? Katak Estadu dalaruma la tau
importansia ba asuntu ida-ne’ebé sai nu’udar hun hosi problema sira seluk
hanesan violénsia kontra malu entre fen-laen, abortu, la iha responsabilidade
paternál ba labarik (estraga labarik nia futuru) no problema sosiál sira seluk
tan.
Esperiénsia hau nian la bele rai
de’it mai ha’u. Importante ita partilla ba komunidade nia di’ak. Atu fen-laen
tenke hatene atu la bele halo violensia kontra malu. Atu ukun na’in bele iha
ona hanoin ruma atu oinsa rezolve problema selingkuh ne’e. Ita hakarak ou
lakohi ne’e problema boot ida akontese iha komunidade Timor-Leste laran tomak
lori hamosu problema krime seluk-seluk tan. Ita la bele ona dehan katak
selingkuh ne’e problema privadu se bainhira iha lei estadu nian regula kona-ba
selingkuh. Moris sidadaun nian hotu privadu. Moris privadu ne’e sai ona ba
interese publiku bainhira estadu kria lei lori proteje interese parte seluk
nian. Kazamentu ne’e hosi parte fiar sarani nian nu’udar sakramentu. Hosi parte
estadu nian kazamentu nu’udar kontratu juridiku ida haree hosi kodigu sivil. Ho
nune’e estadu tenke moos mete. Infelizmente mekanizmu protesaun lei sivil ba
kazamentu seidauk forte. Tanba ne’e presiza iha protesaun hosi lei penál nian
liu-liu lori kontra parte terseira lori proteje kazamentu tuir ita-nia
Konstituisaun haruka. Iha lei korupasaun nian halo lori kriminaliza parte
hotu-hotu lori halo definisaun rua kona-ba korupsaun ativa no korupsaun pasiva.
Halo penalizasaun ba korupasaun atu proteje osan estadu nian la bele lakon
saugati de’it. Tanbasa la halo lei lori penaliza moos familia atu la bele rahun
leet de’it? Afinal ukun na’in sira hatene hanesan la hatene katak familia maka
hun hosi estadu. Tanbasa estadu la bele proteje estadu nia hun atu bele moris
di’ak, forte no estavel. Hanesan ukun na’in sira dehan familia forte nasaun
forte! Estadu tenke ona kria lei lori penaliza selingkuh ba fen-laen (apenas ba
fen-laen deit, la’os ba solteiru ou solteira sira ) no estadu bele penaliza
liuhosi dalan rua no bele hanaran selingkuh ativu (se maka book uluk lori halo)
no selingkuh pasivu (se maka responde ba selingkuh) lori proteje estadu
nia hun no abut maka familia! Tanba lei ne’e rasik hatur iha justisa nia leten
no justisa ne’e rasik tuir ho liafuan badak (hanesan rezumu ba liafuan Ulpianos
ho Jesus nian) ita bele dehan ha’u nian, ha’u nian no ó nian, ó nian, tuir lei
hatur. Se maka hakat liu nia sala. Nia kontra ema nia seluk nia direitu. Ne’e
ba interese komun, ba interese ema hotu-hotu nian no ba interese estadu nian
tanba familia nu’udar hun no abut ba Estadu RDTL tuir ita-nia Konstituisaun
haruka.
Ha’u iha interese ba kestaun
justisa nian tanba ne’e ha’u sei hakerek ha’u-nia esperiénsia sira relasiona ho
justisa ne’ebé ha’u hasoru atu lori halo reflesaun ida no buka fó-hanoin oinsá
hadi’a no halo sistema asesu ba justisa sai di’ak liu lori serbí povu ki’ik no
ki’ak ho di’ak. Iha-ne’e, ha’u ko’alia ha’u-nia esperiénsia pesoál maibé ba
interese komún.
Hosi ha’u-nia esperiénsia seluk
balu ne’ebé ha’u hasoru no tuir ha’u-nia observasaun hosi kazu sira seluk
ne’ebé maka relasiona ho ukun na’in sira, halo ha’u hanoin asesu ba justisa ba
povu Timor-Leste lori hetan julgamentu ba kazu sira ho justu no independente
maka mehi Timor-Leste nian, nu’udar Estado de Direito Democrático ida-ne’ebé
buka asegura protesaun ba Direitus Umanus, ne’ebé sei naruk. Tanba bainhira
justisa sei kahur ho abuso do poder ukun na’in sira nian, mekanizmu estaduál
sira lori tulun rezolve problema sidadaun sira nian dalaruma bele sai fali
nu’udar palku ba teatru ba ukun na’in sira halimar ba sira-nia interese
privadu. Se ita nonook ita moos kontribui hela daudaun lori estraga Estadu
Direitu Demokrátiku.
Tanba ne’e parte importante tebes
ba kontrolu ba ukun na’in sira hosi hahalok abuso do poder maka Maun-Boot lider
rezisténsia sira no inklui moos Igreja Katólika, Sosiedade Sivíl no moos média
ne’ebé independente no profisionál. Ba Maun-Boot lider rezisténsia sira ita
husu took ukun rasik an ne’e ba se no ba saída? Se la’ós ba ita? Se la’ós ba
moris di’ak no hakmatek? Oinsá ukun na’in sira se halo hikas buat ne’ebé militár
Indonéziu sira halo iha tempu Indonézia nian kona hikas mai ami povu ki’ik
sira?
Ita hotu-nia esperansa ita tau
hela ba Maun-Boot rezisténsia sira. Tanba sira maka matadalan lori harii Estadu
ida ita hotu bolu República Democrática de Timor-Leste. Uluk sira dehan katak
libertação da pátria no libertação do povo. Agora libertação do povo ne’e
oinsá? Oinsá ho mehi uluk ne’ebé Ita-Boot sira hakarak harii Estadu ne’e?
Hanoin ba promesa sira uluk ba povu sira. Bainhira Ita-Boot sira la iha, nasaun
ne’ebé Ita-Boot sira harii ne’e sei la’o ho di’ak ba oin ou sei sai
rungu-ranga.
Iha Estado Timor-Leste ne’ebé
hanaran nu’udar Estado de Direito Democrático ida, alénde ita-nia esperansa tau
iha Maun-Boot rezisténsia sira, ita presiza moos atu média la bele iha interferénsia
hosi ukun na’in sira. La bele iha julgamentu ba jornalista sira kuandu
jornalista sira levanta kazu relasiona ho governasaun-administrasaun hasoru
ukun na’in Estadu nian sira. Tanba ukun na’in Estadu nian dezempeña podér
públiku ne’ebé iha interese públiku. Ukun na’in bele uza direitu resposta lori
afirma katak buat ne’ebé jornalista sira hakerek laloos. Ita moos presiza atu
Igreja Católica sai nafatin The Voice of Voiceless hanesan iha tempu funu nia
laran. Ita presiza sosiedade sivíl ativu. Ita presiza atu sidadaun sira la bele
apatia ba krize sosiál ne’ebé maka mosu. Ita la ko’alia de’it ba kazu agora
maibé ita kuidadu ninia efeitu ne’ebé la di’ak ba futuru Estadu Timor-Leste
nian. Ukun na’in ida sa’e no ukun na’in ida tun maibé oinsá ho moris Estadu
nian.
Maibé problema ida moos karik
ha’u haree maka tanba lei iha Estadu Modernu tempu agora nian sai ona nu’udar
law acting upon society. Lei sai hikas nu’udar instrumentu Estadu nian. La’ós
ona law as an aspect of society ne’ebé moris ho populasaun sira no buka atu
rezolve populasaun sira-nia problema moris nian no parte importante maka buka
atu hatuur sentimentu justisa populasaun sira nian. Bainhira iha law acting
upon soceity iha Estadu Modernu entaun la importante ona kestaun justisa
populasaun sira nian hanesan juiz boot Estadus Unidus Amérika nian, Justice
Brandeis dehan “ Biasanya keharusan menyelesaikan suatu perkara berdasarkan
‘the rule of law´ itu dipandang lebih penting daripada persoalan menyelesaikan
perkara itu secara benar”. Tanba rule of law ne’e ukun na’in sira maka hatuur
entaun tuir de’it sira-nia interese.
Problema moos ne’ebé ita hasoru
maka ita iha influénsia hanoin positivista-legalista sira ne’ebé haree buat
hotu-hotu tuir de’it lei haruka enkuantu ita-nia sosiedade sei iha hela
sosiedade ida-ne’ebé ita sei bele bolu sosiedade tradisionál ne’ebé sei
valoriza liu maka sentimentu justisa komunidade nian duké lei sira-ne’ebé maka
iha. Ho nune’e maka ita sempre rona populasaun sira sempre dehan lei la justu.
Ita-nia rain iha xoke entre modernu no tradisionál. Ukun na’in sira hatur lei
tuir sira-nia interese no sira-nia vizaun ne’ebé dalaruma la kona ho populasaun
sira-nia hakarak. Maibé ha’u pesoalmente espera katak polítiku na’in sira halo
lei buka atu akumula aspirasaun povu sira nian tanba ikus mai povu sira maka
sei hetan efeitu hosi lei estadu nian sira. No ukun na’in sira moos bainhira
ukun hotu sei fila no moris nu’udar populasaun ida moos iha komunidade nia
laran Lei estadu nian ita ema maka halo no ita presiza halo ba nesesidade ita
ema nian lori hatuur o bem comum moris populasaun sira nian iha estadu
ida-ne’ebé di’ak no forte.
Ha’u haree no bele karik halo
konkluzaun ida katak iha situasaun Timor-Leste nian agora daudaun solusaun ba
problema sira sempre depende ba iha hakarak di’ak hosi ukun na’in sira no
Maun-Boot rezisténsia nian sira. Maibé liu-liu iha Maun-Boot rezisténsia nian
sira. Ha’u deklara ho loos katak ha’u, no ha’u hanoin populasaun sira seluk
moos karik, la brani kontra Maun-Boot rezisténsia nian sira. Tanba kontra sira
katak terus no oho an. Sira hanesan Maromak ne’ebé ita bele haree iha mundu
Timor-Leste nian ne’ebé iha kbiit boot tebes lori influénsia ema Timor-Leste
nia moris. Tanba ne’e buat ne’ebé ha’u hakerek iha-ne’e hanesan atu lori dere
de’it sira-nia fuan, dere sira-nia laran, husu ho haraik an sira-nia tulun no
boa vontade (good will) lori fó solusaun di’ak ba ita sira-nia povu no moos ba
República Democrática de Timor-Leste ne’ebé sira harii iha ideolojia polítika
Maubere nian ne’ebé sira uluk hananu iha tempu uluk nakukun nian lori fó
esperansa ba povu ki’ik no kiak sira, povu ain-tanan sira, katak ita halo
libertação da pátria de Timor-Leste atu lori halo libertação do povo hosi
kualkér opresaun. Atu povu la bele terus tan!
Agora teorikamente haree hosi
pontudevista Estado de Direito Democrático nian maka buat hotu depende ba
aliserse ukun na’in sira hatuur hela daudaun ne’e. Tanba ukun na’in sira ne’ebé
kaer ukun maka trasa liña jerál polítika Estadu nian. Hatuur aliserse forte ou
hatuur aliserse fraku. Depende ba ukun na’in sira. Aliserse estadu nian ida
maka lei. Tanba lei ne’ebé di’ak sei hametin Estadu sai forte no lei ne’ebé la
di’ak sei halo Estadu sai fraku. Lei ne'ebé di'ak maka lei sira-ne'ebé proteje
Direitus Umanus.
* Antigu alunu Direitos Humanos
iha Escola de Direito da Universidade do Minho.
Sem comentários:
Enviar um comentário