DILI: Komisaun Nasionál Eleitorál
(CNE) propoin orsamentu ho montante $2.2053.160 ba governu hodi fasilita
prosesu eleisaun antesipada ne’ebé sei akontese iha tempo hirak mai.
Diretór Nasionál Planifikasaun
Administrasaun Finansas CNE, Rosalino dos Santos hateten, orsamentu ba iha CNE
nian tokon $2 ne’ebé propoin ba iha eleisaun antesipada.
Orsamentu hirak ne’e hasai husi
rubrika bens servisu, viajen lokál no servisu hotu. Planu orsamentu ne’e hato’o
ona ba iha governu atu deside ba atividade eleisaun antesipada.
Nia hateten, orsamentu ne’e CNE
foti referénsia husi eleisaun tinan kotuk nian iha eleisaun prezidensiál no
parlamentár 2017. Nune’e, atividade sira ne’e mak enkaixa fali iha eleisaun antesipada.
Orsamentu ba eleisaun antesipada
tuir funsaun CNE sei halo sensibilizasaun edukasaun sívika tanba ne’e
kompeténsia ba CNE nian hamutuk ho STAE.
Rosalino hateten, dala ruma
públiku sira seidauk kompriende saida mak edukasaun sívika no edukasaun votante
Edukasaun sívika atu dezamina
informasaun kona-ba lei eleitorál ba públiku. Nune’e, edukasaun votante STAE
mak sei hala’o oinsá hanorin eleitór sira atu vota iha ne’ebé no saida mak
labele lori bainhira iha tempu votasaun.
Nune’e CNE mós sei halo rekrutamentu
ba apoiu hodi fahe ba sentru votasaun sira iha Timor laran hotu. Kuaze ema
1.000, maibé dadus ne’e seidauk fiksu tanba sei hein hela husi STAE.
Nia hatutan, atividade ne’ebé sei
realiza iha tinan ne’e CNE ba fulan tolu nia laran sei halo edukasaun sívika
iha munisípiu hotu-hotu, inklui Dili no Rejiaun Autónomu Espesiál Oekusi-Ambenu
(RAEOA).
Kona-ba data halo sensibilizasaun
edukasaun sívika sei realiza iha fulan Fevereiru.
Kona-ba ofisial monitorizasaun
sira ne’ebé sei rekruta sei fahe ba sentru votasaun sira atu bele haree
atividade sira ne’ebé hala'o sentru votasaun ida-idak.
Independente
Sem comentários:
Enviar um comentário