DILI, (TATOLI) – Primeiru-Ministru
(PM), Marí Alkatiri, ohin hato’o programa governu nian ba organizasaun afiliadu
partidu Frente Revolusionária Timor-Leste Independente (FRETILIN) iha salaun
Otel Luz Clarita Bairu Formosa.
“Ha’u mai ko’alia sétimu Governu
tanba ha’u Primeiru-Ministru”, afirma Xefe Governu ne’e ba jornalista sira.
Hatutan tan: “Ha’u mai ko’alia governu nian ho programa sétimu Governu nian
ne’ebé rejeitadu iha Parlamentu Nasionál (PN), nune’e programa ida ne’e mak sei
avansa ba oitavu Governu”.
Xefe Ezekutivu ne’e akresenta
kuandu FRETILIN mak lakon iha eleisaun antesipada no koruptór sira mak ukun
nafatin, militante FRETILIN mós lakon tanba FRETILIN nia ukun atu hasai povu
hosi kiak no mukit.
“Ha’u la fiar katak katuas Xanana
Gusmão lakohi atu hasai povu hosi kiak no mukit tanba ne’e FRETILIN iha Tinan
10 nia laran hakarak hasai Xanana hosi koruptór sira nia leet mas la konsege”,
dehan.
Reuniaun alargada organizasaun
filiadu FRETILIN hanesan OJETIL, OBJELAT, FITUN, Sagrada Família Loriku Aswain
ho kompromisu sei servisu maka’as iha naze to’o nasionál atu konvense militante
hosi partidu seluk nian hodi vota ba FRETILIN iha eleisaun antesipada.
Jornalista: Zezito Silva | Editora:
Rita Almeida
Imajen: Primeiru Ministru, Mari
Alkatiri
Sem comentários:
Enviar um comentário