Primeiru-ministru timoroan
formaliza ona, iha loron-tersa, pedidu ida hosi auditoria ba "operasaun
tomak hosi jestaun finanseiru no konta sira" hosi petrolíferu timoroan
Timor Gap, ba autoridade nasional hosi área (ANPM) no ba Serbisu Nasional
Kadastru nian, anunsia hosi nia gabinete.
Pedidu auditoria abranje jestaun
ho konta sira hosi Timor Gap, hosi Autoridade Nasional ba Petróleu no Mineral
sira Timor-Leste nian (ANPM) no hosi Serbisu Nasional Kadastru nian (SNC) iha
períudu relasionadu ho lejislatura ikus ka entre 09 Agostu 2012 to'o 14
Setembru 2017.
Nota ida hosi gabinete Mari
Alkatiri nian esplika katak pedidu ne'e mosu tanba pedidu sira hosi loron 06 no
20 Fevereiru ba auditoria sira ba operasaun tomak hosi jestaun finanseiru no
konta sira tinan 2016 hosi Autoridade Rejiaun Administrativu Espesial hosi
Oecusse-Ambeno (ARAEOA), ne'ebé lidera ona hosi xefe Governu rasik.
Pedidu auditoria ne'e abranje mós
Tezouro, Ministériu Obra Públika nian, Transporte ho Komunikasaun, hosi Ajénsia
Dezenvolvimentu Nasional (ADN), Fundu Infraestrutura sira no Ministériu Turizmu
nian, "alarga mós períudu relasionadu ho lejislatura ikus".
Iha karta sira ne'ebé haruka ba
Deolindo dos Santos, prezidente Tribunal Rekursu ho Tribunal Superior
Administrativu, Fiskal ho Konta nian, Mari Alkatiri esplika katak pedidu hosi
auditoria ne'e hakarak garanti "transparénsia iha administrasaun
públika" ho "kultura rigor ida no responsabilizasaun iha jestaun hosi
rekursu finanseiru sira Estadu nian".
"Jestaun nasaun nian tenki
iha baze, iha momentu tomak, hosi prinsípiu sira rigor nian, transparénsia ho
responsabilizasaun. Lahó esepsaun sira", nia hakerek iha karta sira.
SAPO TL ho Lusa
Sem comentários:
Enviar um comentário