Primeiru-Ministru, Marí Alkatiri,
iha loron 16 fulan-marsu asina ona memorandu entendimentu ida entre Governu
Timor-Leste no kompañia internasionál rua, Mitra Aviasi Perkasa husi Indonézia
no Seven Air husi Portugál, hodi harii eskola téknika aviasaun nian ida no halo
manutensaun ba aviaun sira iha Rejiaun Administrativa Espesiál Oekusi-Ambenu
(RAEOA).
Primeiru-Ministru, iha ninia
intervensaun, hateten katak kooperasaun entre empreza rua ne’e, indonézia no
portugeza, maka dalan hahú nian ida ba Timor-Leste atu sai hanesan ponte ba
interasaun kulturál, hodi hametin ekonomia no dezenvolvimentu.
Marí Alkatiri mós ko’alia liután
importánsia husi projetu ida ne’e iha Oekusi ba dezenvolvimentu rejiaun ida
ne’ebé mak uluk izoladu tebes, no hateten katak “bainhira iha tinan 2013 ha’u
simu dezafiu hodi dezenvolve rejiaun ida iha Timor-Leste, ha’u hili Oekusi
tanba karik ita bele dezenvolve Oekusi ita mós bele dezenvolve Timor-Leste
tomak”.
Partisipa mós iha serimónia ne’e
Embaixadór Portugál, José Machado Vieira, Embaixadór Repúblika Indonézia, Sahat
Sitorus, no Prezidente Substitutu Autoridade RAEOA, Arsénio Bano.
Governo TL
Sem comentários:
Enviar um comentário