PNTL investiga autor kesi labarik ho tali

Polísia Nasionál Timor-Leste (PNTL) Munisípiu Baucau, investiga ona autor ho inisial AX ne´ebé mak kesi labarik minoridade hanesan nia oan mane rasik  AL  nia liman no ain ho tali, depois hasai imajen  hodi manda ba nia  laen kaben ho inisial  IL  iha Díli hodi haree imajen refere,   maibe nia laen  upload  hikas imajen ne´e ba públiku liu husi media sosial facebook.

Kazu  ne´e akontese iha semana ne´e iha  Aldeia Ana-Ulu Suku Bahu, Postu Administrativu Baucau Villa Munisípiu Baucau.

Wainhira imazen ne´e upload iha facebook, Polísia Baucau halo kedas  intervensaun hodi bolu inan feto ne´e husi nia hela fatin Ana-Ulu  lori ba iha Kuartel PNTL Baucau,   depois seksaun Vulneravel Polisia Unit (VPU)   Baucau loke prosesu  investigasaun.

Inan feto inisial AA moris iha Baucau, 27 Agostu 1996  hela sentral Aldeia Ana-Ulu Suku Bahu, Postu Administrativu Baucau Villa Munisípiu Baucau.

Inan  feto ne´e casada  profisaun hanesan dona da casa oan  husi Tomas Adelaide Pereira no inan Juleta Ximenes, inan feto nia kaben IL.

Tuir kronolojia ba kazu   ne´e haktuir husi Segundu Komandante Polísia Nasionál Timor-Leste (PNTL), Munisípiu Baucau Superentindente Assistente Joni Viana, liu husi vea telefoni Sabdu (24/03/18) katak,  inan  feto ne´e ho nia laen istoria malu hodi nune´e nia laen husik hela  nia fen ho oan mane  iha Baucau, kuaze  fulan ida hodi mai tiha Díli hodi servisu iha seguransa sivil.

"Entaun  inan feto AX  halo tiha  vidio kesi nia oan hodi manda ba nia laen   hodi hare´e  filme  ne´e katak, nia hanoin duni nia oan  ne´e ka lae? maibe inan feto nia laen ne´e fahe fali filme ne´e ba ema hotu liu husi media sosial facebook”, dehan Joni Viana.

Nia hatutan,   maske labarik ne´e kesi ho tali, maibe la rezultadu labarik ne´e  kanek.

Entretantu imazen  ne´ebé mak públika iha media sosial facebook  hatudu katak, labarik ne´e nia ain kesi metin ho tali  tanis makas, depois inan feto ne´e tolok tan labarik ne´e. avi

GMN TV | Grupo Média Nacional

Video iha Facebook