Komemorasaun tinan 19, Masakre Liquiça

5-6 Abril 2018: Seidauk iha Akuntabilidade ba Justisa Pasadu

Elisa dos Santos*

Komemorasaun tinan 19 masakre Igreja Liquiça, hanesan masakre ida husi masakre sira seluk ne’ebé akontese iha Timor-Leste durante tinan 1999 hodi rezulta Timór-oan barak lakon sira nia vida no husik hela ema ne’ebé sira hadomi no ami sira ne’ebé sira husik hela, sei nafatin kontinua moris iha kondisaun inserteja nia laran. Sira nia mate tanba hakarak hodi anin liberdade nian mai povu no nasaun Timor-Leste. Sira nia mate la saugati, maibé sira nia mate atu hakotu sofrementu no injustisa ne’ebé povu Timór-oan sira hasoru durante tinan 24 okupasaun illegal husi militár rejime Soeharto nian.

Tanba ne’e, atu valoriza no fó onra ba sira nia mate, liu husi komemorasaun ba dala 19 ne’e, ami família vítima no sobreviventi sira rekomenda:

Husu ba Parlamentu Nasionál lejislatura tuir mai, no ema hotu atu halo servisu maka’as iha instituisaun estadu nian sira hotu, sou ho nune’e de’it mak ita sira sei moris bele deginifika saudozo sira nia sofrementu;

Husu ba intellectual Liquiça-oan sira, atu hahú ona hakerek istória masakre Liquiça nian;

Husu ba Polítiku na’in sira hotu, atu fó prioridade ba prosesu justisa no akuntabilidade ba masakre Liquiça hodi muda ema nia konsintimentu. Tanba ho justisa mak bele hakmaan vítima no sobreviventi sira nia sofrementu;

Husu ba Governasaun foun, atu adopta relatóriu Chega! iha kúrikulu nasionál;

Husu ba ema hot-hotu, atu fó solidariedade no respeita ba vítima no sobrevivente sira;

Husu ba autór istória sira, ida-idak bele hahú hakerek ida-idak ninia istória rasik;

Husu ba governasaun foun tuir mai, labele transforma situs istória sira.

To’o ba ne’e de’it ami komunikadu imprensa ne’e, ba ita boot sira hotu nia atensaun no kolaborasaun, la haluha ami hato’o obrigado wain.

Liquiça, 6 Abril 2018

*Elisa dos Santos, sovreviente 99 Liquiça