sexta-feira, 4 de maio de 2018

Fransa formaliza kandidatura ba Observador Asosiadu CPLP nian

PARTILHAR

Fransa anunsia, iha loron-kuarta ne'e, katak aprezenta ona ofisialmente nia kandidatura hodi halo parte iha estatutu ba Observador Asosiadu hosi Komunidade hosi Nasaun sira Lian Portugeza (CPLP) nian. 

Tuir komunikadu ida hosi embaixada franseza, karta hosi Ministru hosi Negósiu Estranjeiru, Jean-Yves Le Drian, ne'ebé formaliza pedidu, nune'e mós ho planu atividade sira no planu asaun nian ba promosaun ensinu lian portugés iha Fransa, ne'ebé sustenta kandidatura, entrega ona hosi embaixador, Jean-Michel Casa, ba sekretáriu-ezekutivu CPLP nian, Maria do Carmo Silveira, iha loron 27 Abril iha Lisboa.

Kandidatura franseza hetan motivasaun hosi prezensa importante ida hosi komunidade portugeza no luzodesendente iha Fransa (kalkula katak iha ema millaun ida ho balun, grupu importante liu iha estranjeiru), "tanba partilla hosi fronteira terestre franseza naruk liu ho Brazil (rejiaun hosi Guiana franseza)" no tanba importánsia hosi relasaun entre Fransa ho nasaun afrikanu sira ne'ebé hanesan membru CPLP nian, iha área formasaun no ajuda ba dezenvolvimentu, destaka hosi komunikadu hanesan.

Kandidatura sei analizadu durante Konferénsia hosi Xefe sira Estadu ho Governu CPLP nian, ne'ebé sei hala'o iha loron 17 ho 18 Jullu, iha Ilha do Sal, iha Cabo Verde.

Kategoria sira hosi Observador Asosiadu no Observador Konsultivu estabelese iha tinan 2005, iha Luanda, iha Konsellu Ministru sira CPLP nian.

Agora daudaun, nasaun sanulu iha estatutu hanesan observador asosiadu CPLP nian, maka: Jeórjia, Hungria, Japaun, Repúblika Xeka, Eslovákia, illa sira Maurísia nian, Namíbia, Senegal, Turkia ho Uruguai.

Itália ho prinsipadu Andora formaliza mós proposta iha fulan-Janeiru.

Nasaun sira ne'ebé halo parte iha CPLP maka Angola, Brazil, Cabo Verde, Guiné-Bissau, Guiné Ekuatorial, Mosambike, Portugal, São Tomé & Prínsipe ho Timor-Leste.

SAPO TL ho Lusa
PARTILHAR

Author: verified_user

Publicação luso-timorense sem fins lucrativos

0 comentários: