sexta-feira, 4 de maio de 2018

Ministériu Turizmu Suspende Jogu 12 iha Dili

PARTILHAR

DILI: Bazeia ba despaxu Ministeriál liu husi ba dekretu lei númeru 7/2018 hodi regulariza jogu sira, tanba ne’e Ministériu Turizmu suspende ona jogu hamutuk 12, inklui lotaria ho kasino iha Dili laran.

Ministru Manuel Vong hatete, objetivu husi suspensaun ne’e tanba hakarak jogu ne’e hanesan atividade entertenamentu turístiku, la’ós atu ba hariku fali ema ida ka rua liu husi halibur fali osan sentavu 50, ne’e labele.

“Ha’u suspende ona jogu tomak hamutuk 12, nune’e mós ba jogu antigu nian ne’ebé hetan ona lisensa anteriór, depois halo avaliasaun suspende hotu ba jogu sira ne’ebé ligadu lotaria no kasino”, dehan ministru, iha Sentru Konvensaun Dili (SKD, horisehik.

Hakarak atu joga tenke halo lokalizasaun tuir regulamentu ne’ebé prepara ona, maibé hein depois eleisaun, lei bele diskute para asegura duni ninia sustentablidade no evita brankamentu kapital (money laundry).

Tanba ne’e, ministru Vong husu ba kompañia jogu sira ne’e atu muda sira nia osan hotu tau iha BNCTL, ne'ebé hanesan banku Estadu, nune’e garante duni no sira iha seriedade halo investimentu iha setór turizmu.

Membru governu ne’e informa, fó tempu ba kompañia jogu sira to’o loron 8 Maiu 2018 tenke loke ona sira nia konta bankária no depozita sira nia osan tuir kontratu ne'ebé iha katak tokon $10. Ba sira ne’ebé hakarak atu loke kasino no tokon $5 hanesan fundu garante kuandu joga lakon karik tokon $5 hela ba iha Estadu.

Nune’e ba sira ne’ebé loke lotaria rihun $400, maibé ida ne’e hanesan fundu garante kuandu merkadu mak manan ne’e hela ba Estadu.

Ba sira ne’ebé la kumpre sei taka, tanba regulamentu halo halo duni lori duni investimentu iha setór jogu ba iha turizmu, la'ós halo fali atividade eskluziva hodi ba hariku fali ema ida husi ema kiak sira nia osan.

Lígia Noronha | Independente
PARTILHAR

Author: verified_user

Publicação luso-timorense sem fins lucrativos

0 comentários: