sexta-feira, 4 de maio de 2018

Alkatiri Husu Jornalista Sira Servisu ho Imparsiál

PARTILHAR

DILI: Primeiru Ministru, Marí Alkatiri apresia hó servisu jornalista no media nasionál sira tanba, maske hasoru difikuldades oi-oin maibé la baruk atu halo kobertura.

Marí Alkatiri hato’o lia hirak ne’e, relasiona hó komemorasaun loron mundial ba Liberdade imprensa nian ne’ebé monu iha loron 3 maio 2018.

Tanba ne’e, iha komemorasaun loron mundial imprensa, Alkatiri husu ba jornalista hotu atu hala’o servisu di’ak hó imparsialidade atu servi povu.

“Mensazen par kontinua servisu sai jornalista ké di’ak liu imparsiál, jornalista objetivu. Ha’u rasik rekuiñesekatak jornalista sira halo esforsu, dala barak ha’u hiruk tanba. Ha’u dehan bu’at ida públika bu’at seluk, maibé ha’u rekuiñese katak esforsu bo’ot halo,” dehan PM Marí Alkatiri iha salaun Luz Clarita Kinta (03/05).

Nune’e mós xefi governu ne’e apresia tebes tanba, Timor-Leste hanesan nasaun ki’ik ida, maibé jornalista barakno fó dezenvolvimentu pozitivu.Tan ne’e governu presiza fó apoiu nafatin no labele interveniha servisu jornalista nian.

Aleinde ne’e, Sekretáriu jerál partidu FRETILIN ne’e dehan, iha programa partidu FRETILIN nian mós fó prioridade ba media no jornalista sira. Maibé presiza buka dalan atu bele kontrola mós mídia sosiál.

Iha fatin hanesan, Ministra Solidariedade Sosiál (MSS), Florentina Smith lori Organizasaun fetono MSS fó votus felisitasaun ba loron importante liberdade imprensa nian.

Governante ne’e dehan, durante ne’e nia observa servisu jornalizmu nia,maske durante ne’e jornalista sira simu krítikas oi-oin konaba profisionalizmu jornalista nian, maibé iha korazen nafatin hala’o knár hanesan jornalista.

“Liu-liu ba imi alin sira ne’ebé mak hala’o knár hanesan jornalista, hakarak enkorza imi jornalista maioria foin sa’e. Embora imi hetan difikuldade iha imi nia servisu lorloron, maibé iha parte seluk hó imi nia esperensia boavontade joven haree servisu jornalizmu liga hó imprensa la’o nafatin,” dehan Florentina Smith.

Eis deputadu ne’e mós husu ba jornalista hotu atu involve mós iha programa governu nian, atu nune’e bele hetan apoiu ruma husi governu.

José Sarito Amaral | Independente
PARTILHAR

Author: verified_user

Publicação luso-timorense sem fins lucrativos

0 comentários: