Lu Olo-AMP Debate Prosesu Formasaun VIII Governu

DILI - Prezidente da Republika Francisco Guterres Lu Olo konvoka reuniaun ho Partidu Politiku neebe hetan asentu parlamentar, hanesan Aliansa Mundansa ba Progresu (AMP), Fretilin, Partidu Demokratiku PD, no Frente dezenvolvimentu Demokratiku FDD, hodi koalia konaba formasaun VIII Governu.

Liu husi intervista Prezidente Aliansa Mudansa ba Progresu AMP, Kay Rala Xanana Gusmao hateten, tuir konstituisaun RDTL hateten, bainhira rezultadu publika ona husi Tribunal Rekursu maka Prezidente da Republika tenke bolu partidu politik sira hodi koalia konaba prosesu formasaun governu nian.

“Hau hanoin asuntu importante neebe maka ohin ami koalia ho Prezidente da Republika nee maka, bain hira los maka Parlamentu Nasional atu simu pose, tanba tuir konstituisaun katak, bainhira iha ona publikasaun husi Tribunal rekursu maka 10 too 15 dias Parlamentu tenke simu pose. Depois de ida nee bainhira maka Governu simu pose, tanba nee Prezidente Republika mos hein hela, “informa Prezidente AMP Kay Rala Xanana Gusmao ba jornalista Segunda, (04/06/2018), hafoin remata enkontru ho Prezidente da Republika Francisco Guterres Lu Olo, iha Palasiu Prezidensial Bairo Pite, Dili.

Xanana informa liu tan, iha kalendariu politik temi katak, depois de tomada pose parlamentu maka foin pose ba fali ba Governu, tanba governu mai husi neeba. 

Notisia kompletu lee iha jornal STL edisaun Tersa, (05/06/2018)

Madalena Horta/Natalino Costa | Suara Timor Lorosae