segunda-feira, 4 de junho de 2018

Toba Iha Prima Uma, Fen Simu Katana

PARTILHAR

DILI - Lezada ho inisial VM hanesan fen, tenke simu taa ho katana dala ida, husi arguidu ho inisial CO hanesan laen, tanba lezada la halo tuir arguidu nia hakarak, la ba toba iha nia bin nia uma, maibe ba toba fali iha nia prima nia uma.

Ho hahalok arguidu nian nee Ministeriu Publiku akuza arguidu ba pratika krime maus tratus neebe previstu iha artigu 154 husi kodigu penal.

Hatan ba akuzasaun nee arguidu hakarak mantein nafatin ho deklarasan, neebe antes nee arguidu deklara ona ba tribunal katak nia rekonese halo duni agresaun fiziku hasoru lezada.

Iha fatin hanesan lezada deklara, daudaun nee arguidu ho lezada kontinua moris hamutuk hanesan fen ho laen, no laiha problema no arguidu la baku ona lezada.

Audensia julgamentu prezide husi juiz kolektivu Antonio do Carmo, Jumiaty Freitas, Albertina Neves, Ministeriu Publiku reprezenta husi Prokurador Nelson Carvalho, arguidu hetan asistesia legal husi Defensor Publiku Marçal Mascarinhas. 

Notisia kompletu lee iha jornal STL edisaun Tersa, (05/06/2018)

Terezinha De Deus | Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: