Prezidente Repúblika anunsia, iha
loron-kinta, katak konvoka ona ba loron-segunda reuniaun sira ho partidu ho
koligasaun sira ne'ebé hili ona deputadu sira iha lejislativu loron 12 Maiu,
informa hosi Prezidénsia.
Tuir komunikadu, ne'ebé fó sai
iha rede sosial Facebook, enkontru sira sei serve hodi "felisita partidu
sira ho koligasaun partidáriu sira tanba rezultadu sira" ne'ebé hetan iha
eleisaun sira no hodi "rona partidu ida-idak kona-ba formasaun hosi
Governu Konstitusional daualuk".
Tuir kalendáriu Prezidénsia nian,
Francisco Guterres Lu-Olo simu iha tuku 09:00 forsa polítika ne'ebé hetan liu
votu, Aliansa Mudansa ba Progresu (AMP) no hafoin ne'e Frente Revolucionária do
Timor-Leste Independente (Fretilin), partidu daruak ne'ebé maka hetan liu votu
iha lejislativu loron 12 Maiu.
Iha loraik, ajenda enkontru sira
ho Partidu Demokrátiku (PD) no ho Frente Dezenvolvimentu Demokrátiku (FDD).
Partidu sira ne'ebé halo parte
iha AMP maka Congresso Nacional de Reconstrução Timorense (CNRT), Partidu
Libertasaun Popular (PLP) ho Kmanek Haburas Unidade Nacional Timor Oan
(KHUNTO).
Tomada pose hosi Parlamentu foun
karik sei akontese iha semana oinmai no ba Governu karik akontese iha semana
tuirmai.
SAPO TL ho Lusa
Sem comentários:
Enviar um comentário