DILI: Autoridade Timor-Leste
kompostu husi Polisia Militár no Alfándega, Servisu Intelijénsia Sekreta (SIS),
Servisu Migrasaun, no Unidade Polisia Marítima (UPM) halo operasaun konjuntu
hodi kaptura sidadaun Indonézia na’in lima.
Husi suspeitu sira ne’ebé kaer
inklui mós labarik minoridade ida, ne’ebé tama iha área Timor-Leste nian la ho
dokumentu legál.
Ema hirak ne’e kaptura iha tasi
área Postu Administrativu Atabae, Munisípiu Bobonaru, tuku 03:00 madrugada.
Sira uza ró rua ne’ebé tula hela materiál motorizada, kompresór, inklui
mina-rai.
Diretór Jerál Autoridade
Aduaneira, José António Fátima Abílio hateten, sasán hirak ne’ebé prende oras
ne’e daudaun rai hela iha edifísiu Alfándega hodi hein prosesu inkéritu.
Hafoin investigasaun remata sei
halo auto entrega ba Ministériu Públiku hodi prosesu ba tribunál.
“Ami sei kompleta investigasaun
depois mak prosesa ba oin”, dehan Abílio, iha servisu fatin, horisehik.
Seidauk deskobre loloos
kuantidade materiál ne’ebé transporta ilegalmente ne’e, maibé tuir observasaun
diáriu ne’e iha terrenu identifika, mina-rai jerikén 20 ho volume litru 20.
Durante fulan rua (Jullu-Agostu
2018) operasaun konjuntu ne’e hala'o, konsege kaptura importasaun mina-rai
hamutuk tonelada 12.
Independente
Sem comentários:
Enviar um comentário