Governu Lakompletu Implika Ba Ezekusaun OJE

DILI - Sosidadae sivil iha rai laran konsidera katak ho estrutura governu neebe lideradu husi Primeiru Ministru Taur Matan Ruak, bele implika be Ejekusaun Orsamentu Jeral Estadu 2018.

Diretor Asosiasaun HAK Manuel Monteiro hateten, estrutura VIII Governu Konstitusional neebe lakompletu iha implikasaun ba OJE 2018, tanba primeiru Ministeiru ida tenke halao rasik ninia orsamentu.

Agora programa ema seluk maka halo depois ema seluk maka ba implementa nee defisil, atu bele hatene ninia programa nee lao to iha neebe, mais ami hanoin katak ho komitmentu PM ninian neebe maka atu kore povu nee husi kiak no mukit, nia sei desteka ema neebe maka iha esperitu makas ba nasaun, hanoin nee bele halo ejekusaun ba orsamentu neebe maka aprova ona husi PN,” dehan Diretor Manuel, ba jornalista sira iha ninia servisu fatin, Farol, Dili, Segunda (03/09/2018).

Nia hateten, sura hela fulan haat ba tinan 2018 ninian, nee ladun sita ema nia atensaun barak, naran katak ema neebe maka atu asumi pasta ba fatin balu neebe sei mamuk nee ema nee koloborativu, komunikativu ho Ditizente.

Iha parte ketak Ildefonso Coelho hanesan Observador Nasional hateten, membru governu neebe maka seidauk kompletu implikasaun bele ba governu, tanba programa neebe sira trasa ona, ema neebe atu ejekuta programa nee laiha. 

Notisia kompletu lee iha jornal STL edisaun Tersa (04/09/2018)

Carmen Ximenes | Suara Timor Lorosae