Tribunal nega pedidu julgamentu nakloke ba kazu espionajen australiana nian ba Timor-Leste

Tribunal australianu nega iha loron-sesta ne'e pedidu defeza nian ba kazu mane na'in rua ne'ebé maka kesar eskuta ilegal australiana sira nian ba Governu timoroan, hodi halo julgamentu, ne'ebé inklui informasaun seguransa nasional nian, nakloke ba publiku.

Durante semana hirak ne'e, defeza no akuzasaun sira la too de halo akordu konabá forma oinsá serbisu ho informasaun protejida tanba kestaun seguransa nasional, ne'ebé sei halo parte iha prosesu ne'e.

Defeza presiona tribunal hodi toma desizaun ida konabá materia ne'e - hakarak aprezentasaun akuzasaun nian loke ba publiku -, maibé juiza Lorraine Walker, hosi tribunal Canbera nian, rejeita tiha submisaun ne'e.

Não tendo, porém, feito um pronunciamento final (sobre se é aberta ou fechada), a decisão sobre o tratamento da informação de segurança nacional cabe ao procurador-geral Christian Porter.

Maski la halo pronunsiamentu final ida (konabá taka ka loke), desizaun konabá tratamentu informasaun seguransa nasional nian ne'e depende ba desizaun prokurador-jeral Christian Porter.

Imprensa australiana konsidera desizaun juiza nian hanesan derota ida ba defeza, no jornalista prinsipal sira konsidera provavelmente prosesu ne'e sei halao ho taka ba publiku, pozisaun ida ne'ebé maka autoridade sira defende.

Lorraine Walker admiti katak lejislasaun hakarak permite julgamentu ne'ebé halao ho taka ba publiku ne'e bele "klaramente prejudisial ba kulpadu sira ne'e", tanba advogadu defeza sira nian "bele la iha direitu hodi marka prezensa" se la iha kredensial seguransa nian ida.

Advogadu sira Sasin K nian iha ona autorizasuan hodi hatene identidade arguidu nian, maibé advogadu sira Collaery nian seidauk iha autorizasaun sira ne'e.

Lei Informasaun sira nian konabá Seguransa Nasional mós prevé katak kulpadu sira rasik bele eskluidu hosi audiénsia ida ne'ebé taka ba sira.

Realizasaun julgamentu ne'ebé taka metin la permiti mós eskrutíniu publiku ba asaun espionajen ida ne'ebé maka kontestada no ne'ebé maka halo relasaun bilateral sira entre Timor-Leste no Australia nian ladun di'ak.

Iha kauza iha julgamentu eis-ajente hosi serbisu sekretu australianu sira, ne'ebé koñesidu nu'udar "Sasin K" (ninian identidade nunka fó sai ba publiku), no ninian advogadu, Bernard Collaery, akuzadu ba konspirasaun hosi autoridade sira iha Canbera, krime ida ne'ebé iha pena másima tinan rua iha prizaun.

"Sasin K" divulga eskema eskuta nian ne'ebé monta iha tinan 2004 hosi serbisu sekretu australianu sira iha eskritoriu Governu timoroan nian, iha Dili.

Tuir relatu sira, liu hosi eskuta sira ne'e, Governu australianu hetan informasaun hodi favorese sira iha negasiasaun sira ho Timor-Leste konabá fronteira maritima no ba kontrolu zona Greater Sunrise, rezerva ne'ebé riku ho petroleo no gas.

Kazu ne'e hatauk hela ba saida maka konsegue iha negosiasaun entre Timor-Leste no Australia - ne'ebé hahú hafoin Dili rekore ba Komisaun Konsiliasaun obrigatoriu ida ba abrigu Lei Tasi nian - no ne'ebé maka lori ba tratadu ida ne'ebé maka delimita definitivamente fronteira maritima sira.

Aliansa Advogadu Australianu sira insiste katak labele avansa kazu ne'e, maibé ne'ebé maka lao hela tenki ser "prosesu ida ne'ebé transparente no tribunal ida ne'ebé nakloke", tuir porta-voz organizasaun nian, Greg Barns.

Pasu sira tuirmai dependa agora ba desizaun prokurador-jeral nian se emiti k lae sertifikadu ne'ebé la divulgasaun ne'ebé maka obriga audiénsia ne'ebé taka hodi labele prejudika seguransa nasional.

SAPO TL ho Lusa