Primeira-ministra Nova Zelándia
revela ona iha loron-kuarta ne'e katak sei hasoru malu iha Paris, iha fulan
oinmai, ho Prezidente fransés, Emmanuel Macron, hodi ko'alia oinsá impede
divulgasaun 'online' hosi asaun estremismu violentu ho terorizmu nian.
Jacinda Ardern afirma mós katak
sira na'in rua sei husu ba líder mundial sira ho responsável hosi empreza sira
teknolojia nian hodi asina kompromisu ida ho títulu "Apelu hosi
Christchurch", naran hodi fó homenajen ba sidade Nova Zelándia nian ne'ebé
maka hetan atake ida iha fulan liubá.
Maibé Ardern la divulga detalle
ruma kona-ba testu hosi kompromisu, hodi hatete katak sei defini konteúdu.
Mane ne'ebé maka hetan akuzasaun
oho ema na'in 50 iha meskita rua hosi Christchurch transmiti ona atake, iha
diretu, iha rede sosial Facebook. Vídeo ne'ebé dura minutu 17 hetan kópia no
haree hosi ema barak iha Internet, maski hafoin empreza sira teknolojia nian
hasai tiha hosi sira nia plataforma.
Lusa | SAPO TL
Sem comentários:
Enviar um comentário