Fundu Petrolíferu Timor-Leste
vale dolar biliaun 16,98 (euro biliaun 15,1) iha fulan-Marsu nia rohan, liu
dolar biliaun 1,18 duké final tinan 2018, informa hosi Banku Sentral
Timor-Leste nian iha loron-kinta ne'e.
Tuir relatóriu trimestral ne'ebé
divulga iha loron-kinta ne'e hosi Banku Sentral Timor-Leste nian (BCTL), saldu
ne'e laiha ligasaun ho levantamentu hosi dolar millaun 650 hodi sosa
partisipasaun hosi ConocoPhillips ho Shell iha konsórsiu Greater Sunrise nian,
ne'ebé maka hahú iha fulan-Marsu, maibé konkretiza de'it iha fulan-Abril.
Iha konkretu, relatóriu ne'ebé
divulga iha loron-kinta ne'e hatudu katak durante fulan tolu dahuluk hosi tinan
ne'e, fundu rejista ona estrada bruta sira hosi kapital dolar millaun 240,27,
inklui dolar millaun 99,32 hosi kontribuisaun sira no dolar millaun 140,97
refere ba pagamentu sira ne'ebé mai hosi Autoridade Nasional ba Petróleu ho
Mineral sira nian (ANMP).
Iha períudu hanesan, rendimentu
hosi investimentu sira hosi Fundu maka dolar biliaun 941,95, ne'ebé dolar
millaun 101,35 koresponde ba dividendu sira ho juru sira no dolar millaun
848,72 tanba mudansa sira hosi valor sira merkadu nian.
Rezultadu, ne'ebé inklui mós
lakon ida besik dolar millaun ualu tanba flutuasaun kambial sira, reprezenta
ona retornu ida hosi 5,9% iha karteira fundu nian, iha liña ho benchmark ba
períudu hanesan, fiksa ona iha 5,95%.
Relatóriu refere katak laiha
transferénsia ruma hosi fundu sira ba Orsamentu Jeral Estadu nian iha fulan
tolu dahuluk tinan nian no ne'ebé saída úniku hosi osan nian koresponde ba
dolar millaun haat ba jestaun operasional hosi fundu rasik.
Hanesan refere ona, la halo parte
hosi trimestre ne'e maka operasaun hodi sosa partisipasaun maioria iha Greater
Sunrise nian.
BCTL esplika katak simu ona
instrusaun sira hosi ministra interinu Finansa nian iha fulan-Marsu hodi halo
transferénsia ba Timor Gap, liuhosi sira nia subsidiáriu, no transferénsia ne'e
halo iha loron 10 fulan-Abril.
Operasaun ne'e sei iha detalle
iha relatóriu trimestral oinmai.
Lusa | SAPO TL
Sem comentários:
Enviar um comentário