PM Rui: “Hau Ejiji Saude Tenki Tama Iha Familia Tomak”

DILI - Primeiru Ministru (PM) Rui Maria de Araujo, ejiji ba saude sira tomak, katak loron 28 Novembru 2016, saude tenki tama hotu ona iha familia ida-ida iha Timor laran tomak.

Tuir PM Rui katak agora tenki kuidadu primaria de saude iha Timor, tenki hanesan ho saude iha familia.

Kuandu ita koalia konaba kuidadu primaria de saude, nee iha Timor ita tenki koalia konaba saude ba familia, neduni oinsa ita hotu lori saude ba familia. Ita defini pakote serbisu, ita difini pakote kompresivu no ita difini pakote oi-oin, maibee mai hau nudar Xefi ba VI Governu, hau ejiji ba ita hotu, laos ba ita boot sira saude deit, maibee ba ita hotu katak 28 de Novembru 2016 hau hakarak saude iha familia ida-idak iha Timor laran tomak,” hateten PM Rui, liu husi nia intervensaun wainhira partisipa Lansamentu pakote Serbisu komprensivu kuidadu saude Primariu (KSP) iha CCD, eis Merkadu Lama, Dili, Kuarta (29/04/2015).

Xefi Governu nee haklean tan katak saude tama iha familia ida-ida nee, Ministeru Saude, tenki banate tuir klinika Paz  nebee agora halao dadaun ona, tamba klinika Paz nee foo atensaun ba kuidadu primaria ba populasaun 1277, tamba sira dadersan konsulta loraik vizita familia, ida nee sai izemplu ida ba Ministeru saude tenki banate tuir.

Iha fatin hanesan Ministra Saude Maria do Ceu hateten ema hotu iha direitu ba saude, asistensia medika sentraria bebeik no defende direitu ida nee. Informasaun kompletu iha STL Jornal no STL Web, edisaun Kinta (30/4/2015). Joao Anibal

Suara Timor Lorosae