DILI - Deskonfia
Funsionariu nebe servisu iha Zona Ekonomia Especial Sosial Merkadu (ZEESM)
Oe-Cusse tenki Uza Kartaun Militante Partidu Fretilin, nomos Estrutura ZEEMS
rasik maioria Domina ho Militante Partidu Fretilin.
Kestaun nee Leventa
husi Deputadu Bankada CNRT Francisco da Costa katak bazea ba isu nebe espaila
iha publiku hare ba prosesu ZEESM nebe maka lao, sidadaun nebe sai funsiariu
ZEESM tenki uza Kartaun Militante Partidu Fretilin.
Hau iha
preokupasaun ba isu nebe mak lao namanas iha timor, katak se mak tama sai
funsinariu ZEESM tenki uza kartaun partidu mak tama, tamba nee hau hakarak
hetan konfirmasaun, hodi esplika ba publiku,” dehan deputadu Francisco liu husi
Sesaun Plenaria Tersa (12/05/2015) iha uma fukun Parlamentu Nasional.
Hatan ba kestaun
nee Prezidente ZEESM Mari Alkatiri nebe Asumi mos pasta hanesan Deputadu husi
Bankada Fretilin iha Parlamentu Nasional hatete, nia parte husu ba deputadu
sira labele transforma parlamentu sai orgaun ida nebe isu-isu.
Hau hakarak hatete
ba kolega deputadu sira labele transforma Parlamentu sai orgaun ida nebe
isu-isu, isu-isu latama iha parlamentu tenki lia los, hau lahatan ba isu-isu se
iha provas aprezenta ho faktus mak hau hatan, isu hau lahatan,” dehan deputadu
Mari.
Nune mos Vice
Prezidente Parlamentu Nasional Adriano Nacimento hatete parlametu nia
inisiativa no desizaun politika desidi osan nebe mak aloka ba ZEESM osan Timor
Leste, laiha osan husi liur. Informasaun kompletu iha STL Jornal no STL Web,
edisaun Kuarta (13/5/2015). Timotio Gusmao
Suara Timor Lorosae
Sem comentários:
Enviar um comentário