Fo Sai kronolojia MM Nia Mate, Lere: “Mauk Mate Tanba Konfia Liu Ema Seluk Duke Hau”

DILI – Xefi Estadu Maior F-FDTL, Maijor Jeneral, Lere Anan Timur, hatete Mauk Moruk mate tanba la konfia nia, maibe konfia liu ema seluk (Angela Freitas no Paul Remires).

Deklarasaun nee, Lere Anan Timur, fo sai liu hosi konferensia imprensa neebe mak halo iha Kuartel Jeral F-FDTL Fatuhada, Kuarta (12/08) konaba kronolojia Eis Komadante Brigada Vermelha Paulino Gama Alias Mauk Moruk nia mate.

Hau, Xanana, Taur lakohi Mauk Moruk mate tanba nee hau buka meus oin-oin hodi bele lori nia mai maibe nia lakohi rona hau no la konfia hau maibe nia konfia liu fali ema seluk hanesan Angela Freitas nomos Paul Remires duke hau too Mauk mate nee konsekuensia agora sira ida neebe moris hodi mai intrega ann nee tanba rona hau tanba hau apela katak diak liu imi konfia hau duke konfia ema seluk tanba ita mak terus hamutuk ba rai ida nee se ita mak la konfia malu konsekuensia at sei mosu,” hatete Lere Anan Timur.

Nia mos hatutan nia sei kontinua kontra Angela Freitas nomos Paul Remires wainhira la rona no hodi kontribui ba nasaun ida nee, laos nee deit Lere mos husu ba sira neebe mak lakohi rai nee hakmatek diak liu sai hosi Timor.

Kolia kona kronolojia hahu hosi loron 5 too loron 8 Agostu, Mauk Moruk nia mate tuir Lere Anan Timur katak wainhira komonidade hetan Mauk Moruk ho nia grupu komonidade sira informa kedan ba EOK, tanba nee membru EOK sira serku Mauk Moruk hodi husu atu intrega an maibe tanba Mauk Moru lakohi no tiru uluk forsa EOK maka forsa mos responde ho tiru.

Lere mos hatutan konaba akontesementu Tiru malu iha loron Sabado 8/8 hodi hamate Mauk Moruk, komuniade mak hetan uluk hodi nunee informa ba forsa EOK hodi serku kedan Mauk Moruk. Informasaun kompletu iha STL Jornal no STL Web, edisaun Kinta (13/8/2015). Thomas Sanches

Suara Timor Lorosae